Kapistahan ni San Jose nga Mamumuo, hagit gibag-o

Sa pagsaulog sa adlaw sa mga mamumuo niadtong Mayo 1 dungan sa kapistahan ni San Jose, si Balanga Bishop Ruperto C. Santos mipasidungog sa mga sakripisyo ug mga buhat sa kamot nga gihimo sa mga Pilipinong mamumuo sa tibuok kalibutan.

Ang vice chairman sa Catholic Bishops’ Conference of the Philippines-Episcopal Commission on Migrants and Itinerant People miingon usab nga ang mga trabahante sa nasud lakip na ang atong mga overseas Filipino workers nagpakita sa mga hiyas ni San Jose nga kugihan ug matinud-anon. Tungod niini mas pabor sa mga langyaw ang mga Pilipinong trabahante.

Ang Kapistahan ni San Jose nga mamumuo gitukod ni Pope Pius XII niadtong mil nuebe syentos singkwentay singko (1955), aron dungan sa pagsaulog sa International Labor Day, nga gisugdan niadtong mil ocho ochentay nuebe (1889) isip pag-ila sa batakang katungod sa mga mamumuo.

Diha usab sa pagsaulog sa GKK San Jose sa JLA Subdivision sa Mamay sa ilang ika treintay-kwatro nga GKK fiesta, mipadayag ang kura paroko sa St. Francis of Assisi La Verna, mga si Padre Pedro Lamata namalandong diha sa Ebanghelyo nga bahin sa pag taktak sa mga apostoles sa pukot nga nagpakita sa ilang pagkamasinugtanon Kaniya. Sama sa mga apostoles ilabi na ni San Pedro si San Jose nga misunod sa kabubut-on sa Diyos. Diha sa iyang pag dawat kang Maria, aron matuman ang mga plano sa Ginoo.

Sa pagkabalo ni San Jose nga mabdos si Santa Maria, tuod man adunay pagduha-duha apan tungod lang sa pagpadamgo sa anghel wala na siya midili sa pag pangasawa sa inahan sa Diyos ug nagmasinugtanon. Atong tinguhaon nga kitang tanan mamahimong sama kaniya nga bisan sa atong mga kabalaka ug kahibulong mapadayunon kitang magmasinugtanon sa Diyos. (Kate Cabunto, ADDU Intern)