Balaang kinabuhi ni San Isidro Labrador

‘Labrador’ usa ka langyaw nga pulong nga nagapasabot trabahante o mamumuo. Si San Isidro Labrador usa ka trabahante sa uma nga nahimong santo sa Madrid, Espanya. Siya nihalad sa iyang kinabuhi sa Ginoo pinaagi sa iyang pag-ampo usa mag-uma.

Naminyo siya kay Maria de la Cabeza nga nahimo usab nga santo. Nagkaanak sila ug usa ka lalaki apan hamtong pa lang kini nakabsan na og kinabuhi.

Sa buhi pa si Isidro naay mga milagro nga nahitabo sa iyang kinabuhi. Isa sa iyang mga agalon nga si Ivan Vargas ang nakamatikod sa milagro ni Isidro. Sayo sa buntag mubangon si Isidro aron muadto sa simbahan. Usahay dugay mahuman ang misa maong maulahi siya sa uma. Usa ka adlaw, nisumbong ang kauban ni Isidro sa ilahang agalon mahitungod niini. Nibisita si Ivan sa uma ug nakuratan siya kay iyang nakita, ang mga anghel ang nitrabaho sa uma samtang sa laing banda nakita niya ang lalum nga pag ampo ni Isidro. Dinhi nakita niya nga balaan ang iyang trabahante.

Daghan pa og mga milagro nga napakita si Isidro ug matud pa naa kiniy kalabot sa tubig. Sa matag ampo niya magtubod ang tumoy sa iyahang tungkod. Isa pud ka milagro ang pagkasalbar sa iyahang anak human kini mahulog sa balon. Sa pagkamainampuon sa mag asawa, nitaas ang tubig sa balon og nigawas ang ilahang anak nga walay samad.

Bisan pa man sa iyang kamatayon kaniadtong ika-15 sa Mayo tuig 1130, nagpadayon ang iyahang mga milagro. Human gitapok ang iyang mga milagrosong nahimo, gi deklara siyang usa sa mga santos sa Espanya o mas gi ilang “five saints” uban ang mga santos nga sila Ignatius sa Loyola, Francis Xavier, Teresa sa Avila, ug Philip Neri.

Ang balaang kinabuhi ni San Isidro Labrador usa ka timaan nga bisan sa atong tawhanong panginahanglan, pag apas sa mga buluhaton ug mga bayrunon, kinahanglan natong unahon ang Ginoo. Siya na ang muhatag og gasa sa kakusog ug maayong panghuna huna aron matuman ang atong mga kinahanglan ning kalibutana. (Sheila Marie Pieza – ADDU Intern)

Gikuhaan:
https://leafmadrid.com/en/saint-isidro-patron-saint-of-madrid/
https://www.franciscanmedia.org/saint-of-the-day/saint-isidore-the-farmer