Symposium on Youth Empowerment Through Setting Effective Goals

Malampusong gipahigayon sa mga kabatan-onan ang makabuluhanong symposium nga mao ang “Youth Empowerment Through Setting Effective Goals”, inubanan sa maong resource person nga si Ms. Kathlynn Keith J. Abaquita, RPm, RGc, MAGC, MPsych. Kini gipangulohan sa mga Pangulo sa mga Batan-on (PSB) sa matag GKK niadtong Marso 26, 2022, Sabado sa maong parokya sa Maria Mananabang sa mga Kristyanos – Dacudao.

Mikabat sa 182 ka mga aktibong kabatan-onan ang mitambong nga naggikan sa nagkalain-laing GKK nga nahisakop sa maong parokya. Ang tumong sa maong symposium mao ang pagpalambo sa pag sabot kung unsa ang GOAL ug GOAL SETTING. Gihisgustan usab unsa ang mga babag sa pag kab-ot niini. Gihagit ang mga kabatan-onan sa pagmugna og ‘action plan’ aron sa gihapon makab-ot ang maong goal bisan pa sa kalisod, ilabi na sa pandemya nga atong gisagubang karon.

Nagmalampusong natapos ang maong kalihokan inubanan sa malig-ong suporta sa parish priest nga si Rev. Fr. Marcelino Y. Benabaye, SDB. (Youth SoCCom Vine and Arra)