Milagro sa Pagtoo Pinaagi sa Panabang ni San Vicente Ferrer

104 years na karong tuiga isip usa ka GKK ang nahimong San Vicente Ferrer Shrine sa Mulig Toril. Sulod sa usa ka siglo kining lugara kabahin sa mga kinabuhi sa tawo nga dili lang nagpuyo didtong dapita apan bisan sa mga tawo gikan sa layong dapit. Ang lugar nga adunay kinasing-kasing ug hugot nga pag-ampo ug debosyon alang ni San Vicente Ferrer maoy hinungdan sa daghang mga milagro.

Apan kinahanglang masayod kita nga dili si San Vicente o kinsa pamang santos ang atong gisimba kon dili siya o sila lang ang magpaduol, magdala kanato sa Diyos. Kining atong debosyon kauban, tipig, kabahin sa atong maanindot nga pagtuo sa Ginoo. Gikan pa sa kaniadto nabantayan sa simbahan nga ang kahiusahan sa mga santos, tuburan sa kusog, milagro. Ug sama sa ubang mga santos, Si San Vicente Ferrer ang magdala sa atong mga pag-ampo ngadto sa atong makagagahom. Ubay-ubay gayod ang mga milagro nga iyang gipasinati sa mga katawhan apan usahay kining mga milagroha sekreto.

Sumala pa sa pamalandong ni Most Rev. Romulo G. Valles, aduna man galing wala maayo sa sakit sa lawas, apan naayo sa sakit sa kasing-kasing. Naa kadtong walay pa milagrohi ug anaa kanila ang ka walai gana sa kinabuhi, discouragement; apan pag human sa milagro naa pa ang sakit sa lawas pero, malaumon ug isog na, lamdag na ang panan-aw sa kinabuhi; nawala ang pagdumot, nawala ang kasilag, nawala ang kasina.

Kini nga mga kasinatian, maanindot kaayo tungod ang nagpaluyo niini ang paglambo sa atong pagtuo pinaagi sa panabang sa atong mga santos, pinaagi sa panabang ni San Vicente Ferrer. Ang pahinumdom sa atong arsobispo sa Dabaw ang dili pagbuhi sa debosyon sa atong mga santos nga mag dala kanato ug Diyosnon nga kaayohan. (CMAC)