Good News

(An excerpt from the Homily of Most Rev. Romulo G. Valles, D.D., Archbishop of Davao, March 25, 2022 during the live streamed mass of the Celebration of the Annunciation of the Lord and Consecration of Ukraine and Russia to the Immaculate Heart of Mary at Immaculate Conception Parish, Mintal, Davao City.)

Dakong kalipay sa paghandom nianang maong mysteryo, huna-huna sa Diyos plano sa Diyos nga iyang gipadala iyang Anak kanato, mao ni iyang announcement, pagpahibalo kang Maria, nga ikaw manamkon, conceive, pagpahibalo nga diha kanimo, musugot kaba nga mahimong inahan sa manunubos?

It is a joyful announcement unworthy kita gyod, Diyos ipanamkon sa flesh, lawas sa tawo impossible cannot be, yet nothing is impossible with God but what is the good news, kaluwasan. Grabe ang Diyos dili gyod mag duha-duha wala mag hesitate nga muduol nato, makighiusa nato di ta angayan.

Pwede nato i-illustrate sa social distancing, ayawg duol kay peligro ang usag-usa dili kaduolan. Sobra pata sa COVID Diyos nga buutan, Diyos nga makagagahom kita mga buang-buang; atong liwat defective, hugaw ta unya ang Diyos muduol nato.

God is love kanang love, kanang gugma, walay puas nga tinguha nga makigsandurot muuban, to be with us.

Kini ang mga pulong sa atong halangdon nga arsobispo sa Dabaw, Most Rev. Romulo G.Valles sa iyang pamalandong niadtong Marso 25 panahon sa solemnidad sa Annunciation of the Lord atubangan sa 400 ka mga kompirmante sa parokya sa Imaculada Conception.

Tataw kaayo niyang gipunting ang kamaayo sa Gino sa iyang plano nga pagpaduol kanato. Bisan kita dili takos, dili angayan tungod sa atong pagkamakasasala, Siya mipadayon sa iyang tinguha nga makighiusa.

Usahay makahuna-huna ko maayo pa ang yawa kai muilag Ginoo. Kaila siya sa Anak sa Amahan, kabalo siya sa gahom sa Anak. Apan kita, bisan tuod nakahibalo, padayon sa pagpakasala; padayon nga murag walay nailhan nga Ginoo.

Mao tuod dako kaayo ang kaibog, kasina sa mga anghel nga nahulog gikan sa langit tungod kay ang tawo, bisan sa iyang kahugaw, ka ingrata, gimahal siya sa Diyos nga gani ang iyang bugton Anak iyang gipadala. Og unsa ang atong tubag niining “act of salvation”? Atong giwakli ug gipili ang kawatan. Wala nato tagaig bili ang kamatayon sa atong Ginoo, ang sakripisyo sa pagpakatawo nga puno sa kahuyangan.

Karong semana santa, atong hinumdoman ug lantawon ang atong mga kaugalingon ug susihon kon wala ba makawang ang sakrispisyo sa atong Diyos sa pagpakatawo, pagpakig-uli pinaagi sa Krus.