Mobile Blood Donation Kon Blood Letting Gipahigayon Sa Parokya

Gipahigayon ang Mobile Blood Donation (MBD) Program kon Blood Letting sa St. Mary of the Perpetual Rosary Parish atong Domingo, February 27, 2022 diin adunay tema nga nagkanayon: “Give Blood and keep the World Beating”. Ang tema nag awhag sa mga blood donors nga mopadayon og donar og dugo ug mo awhag usab sa uban aron ang tibuok kalibutan adunay safe nga dugo sa tanang panahon nga makaluwas sa daghang kinabuhi sa tibuok kalibutan.

Mao kini ang unang higayon nga gipasiugda ang MBD karong tuig 2022 nga diin kapin duha ka tuig wala makapahigayon og MBD ang parokya.

Ang MBD gipangunahan sa Parish Social Action Ministry (PSAM) nga gipangulohan kini sa PSAM coordinator, Joel Corage, MBD in-charge, Eloisa Ritz Doña ug sa mga Pangulo sa Alagad (PSA) Volunteers sa nagkalain-laing Gagmay’ng Kristohanong Katilingban (GKK) nga nahisakop sa Parokya ug sa makanunayong suporta sa Kura Paroko, Fr. Dionisio Tabiliran.

Malampuson ang maong kalihukan sa MBD sa parokya kay bisan luyo sa pandemya adunay 64 ka mga parokyano ang nitahan sa ilang kaugalingon aron magdonar og dugo diin malampuson kini nga nakuhaan. Pinaagi niini daghan ang ilang matabangan nga nagkinahanghan og dugo nga naa sa mga tambalanan ilabina sa panahon karon sa pandemya ug sa ilang tagsa-tagsa ka pamilya. (Hermie Mapute, SMPRP SoCCom)