Pangandoy nga magka-anak

Dear KNOT,

Ako Si Juriel 30 anyos ug minyu. Wala pa akoy anak sa kasamtangan apan nagsabak na ang akong asawa. Ipaambit ko lang ang akong kasinatian sa kaniadtong wala pa nagmabdos ang akong asawa.

Bag-ohay pa lamang kami nagminyu plano na namong magkaanak sa hinanaling panahon. Wala kini mahinayon diha-diha dayun kay wala pa itugot sa labawng makagagahum. Gitas-an pa namo ang among pailob isip mag-asawa nga sa paghandum puhon makabuo na.

Among nasinati nga mag-asawa nga makita ang ubang pamilya nga kauban ilang mga anak gasuroy-suroy sa Park, Mall, restuarant kauban mangaon ug uban pa. Dili ikalimud nga masina kami kay lagi sa kagustohan nga magka-anak na dayun. Wala man hinoon kami nadismaya ug nagbasol sa bisan kinsa kay nasayod kami nga muabot ra ang among gihandum sa gitakdang panahon.

Milabay ang mga panahon among gibatasan nga i-enjoy na lang una namong duha ang mga moments samtang nagpaabot. Kalipay namong makita nga mga pamilya nag-uban sa pagsimba. Mangaon nga sadya kaayo sa lamesa, mga pamilyang nag tapok-tapok. Amoa na lang ginahandum nga puhon amoa ra kining maangkon. Hangtud nga worth the wait. Nagbunga ang among pailob ug pasensiya. Karon si Misis nagsabak na.

Dili gayud angay nga magtuman sa atong kagustohan kundili ang kabubut-on sa Dios Amahan.

Daghang Salamat
Juriel

* * * * * *

Dear Janjelo,

CONGRATULATIONS, the long wait is over!

Malipayong paghulat sa gasa nga duol na sa katumanan. Sa pagkatinuod, tulo (3) lang ang mahimong tubag sa Ginoo sa atong mga pag-ampo – (1) OO, (2) DILI, o di kaya (3) MAGHULAT. Walay problema kung Oo ug diha-diha dayon ang tubag. Kung DILI, basin sa kasamtangan dili makahatag ug kaayuhan ang ginahangyo sa o di kaya naa Siya planong ihatag ang labaw pa sa inyong ginahangyo. Usahay, MAGHULAT ang gitubag, hinungdan nga basin naa pa siguro Siya ipabuhat sa inyong duha mao nga wala dayon Niya gihatag kini.

Sa kanunay ang Iyang pagbuot ang masunod. Sa inyong kabahin, murag naa pa gyud siguro maayong plano ang Ginoo para ninyo, busa, ang iyang tubag ang ika 3, nga mao ang MAGHULAT. Ang tubag sa atong mga pag-ampo mahitabo gyud sa hingpit nga panahon sa Ginoo.

Kung inyong sutaon, kasamtangan nga kamo naghulat aning panalangin, naghatag diay Siya kaninyo og uban pang mga gasa. Gusto pa sa Ginoo nga mag-enjoy usa mo sa inyong presensiya sa usag-usa kay nahibalo Siya nga kung naa na mo anak, mogahin gyud mo og dakong panahon alang sa pag-amuma sa bata. Dugang pa niini, makapag-adjust pa mo og maayo sa kinabuhing minyo , mapalig-on pa ang inyong relasyon aron mahimong mas handa pa gyud mo emotionally, financially, physically or psychologically, sa pag-abot sa inyong anak. Sa inyong pag-obserbar sa ubang pamilya nga malipayon, magdungan ug simba, magtapok-tapok, etc, nakaambit sab mo sa ilang kalipay apil sa inyong paghandum nga sa pag-abot sa panahon, ingon ana pud inyong pamilya, pohon. Nagtuo ako nga naa mo nakutlo nga mga pagtulun-an nga mamahimong sumbanan sa inyong umaabot nga pamilya.

Nakasaad sa Salmo 37: 7, “Be patient and wait for the Lord to act…” Patience is always a virtue. Mao siguro kini ang usa ka hiyas nga gusto sa Ginoo nga inyo pang ipalambo hinungdan nga importante ug kinahanglan gyud kini sa pag-amuma sa inyong umaabot nga anak.

Tinuod gyud nga ang Ginoo ang magbuot sa tanan. Salig lang Kaniya kay gibuhat Niya ang tanan alang sa atong kaayuhan, ug ihatag Niya kini sa Iyang hingpit nga panahon ug hingpit nga pamaagi.

Congratulations once more for your most cherished gift. Be happy and stay healthy…remember, as parents you are participating in God’s creation of a new life!

God bless you more.
Ate Emz

Note: Meron ba kayong kwento sa buhay na nais niyong ibahagi? Email lang sa likjam@yahoo.com