Nagkadaiyang imahe sa Sto. Niño gibendisyonan

Gisaulog sa adlawng Biyernes, January 28, 2022, ang ika-30 ka tuig na kapistahan sa GKK Sr. Sto. Niño Bal-ong, Zone 6, sakop sa San Roque Parish Malabog uban sa tema: Sr. Sto. Niño sumbanan sa pagkamapaubsanon ug pagkamasinugtanon tuburan sa tinooray na gugma, luyo sa mga pagsulay na nahiaguman sa kasamtangan.

Isip kabahin sa kapistahan sa mahal na Sr. Sto. Niño, gidala sa Parokya ang nagkadaiyang imahe sa Sr. Sto. Niño aron kini mabendisyunan.

Sa homiliya ni Rev. Fr. Arnold Balaquinto, Kura Paruko, iyang giapsabot nga adunay tulo (3) ka mga importante nga hiyas o birtud nga angay batonan sa atong kasing-kasing og puy-an sa inadlaw-adlaw nato na pagkinabuhi: Pagka-masinugtanon, Pagka-mapaubsanon, ug Pagka-mapasalamaton.

Atol sa maong kasaulogan usab, upat ka mga Bata ang nakadawat sa Sakramento Sa Bunyag: Zian Clint Sardido, Zion Mcklin Salva, Marc Aldrich Coquilla, ug Cristian Carillo.

Mapasalamaton ang among Pangulo Sa Katilingban(PSK) nga si Mr.Ronald Jaboc sa mga kaubanang pangulo, mga choir, readers, unit leaders, members, mga bisita ug labi na sa kura paroko.

Ang GKK Sr. Sto. Niño Bal-ong adunay 48 ka mga miyembro. (Angelie L. Giangan | GKK Soccom of Sr. Sto. Niño Bal-ong Sona 6)