Kapistahan sa Birhen sa Lourdes, World Day of the Sick

Gisaulog sa tibuok Simbahan ang Kapistahan sa Mahal nga Birhen sa Lourdes kaniadtong Pebrero 11, 2022. Dinhi gihatagan ug panihungod ang pagpakita sa Mahal nga Inahan Santa Maria ngadto kang Sta. Bernadette Soubirous niadtong tuig 1862.

Atol sa kapistahan sa Birhen sa Lourdes gisaulog usab ang ika-30 nga World Day of the Sick kon Pangkalibutang Adlaw sa mga Masakiton. Mahinunduman nga si St. John Paul II maoy unang nagdeklara niini kaniadtong tuig 1992 sa maong adlaw sa kapistahan sa Birhen sa Lourdes.

Sa mensahe na gipadayag ni Pope Francis, iyang gipahinumduman ang matag usa kanato nga mamahimong maloloy-on sama sa Amahan kon “Be Merciful as the Father is Merciful”. Dugang usab nga pahinumdom sa Santo Papa nga hinaut unta dili nato tan-awon ang atong isigkatawo sa ilang mga kakulangan ug mga balatian ug ato pa hinuon ipakita kanila ang atong gugma, kaluoy ug panabang sa ilang gisagubang nga mga sakit ug pag-antos susama sa gihimong pagdawat kanila sa Lourdes. Ingon usab ni Pope Francis nga dili makatupong ang mga gihimong tambal sa atong pagpaminaw sa mga mulo ug pag-atiman sa mga masakiton.

Dinhi sa parokya sa St. Mary of the Perpetual Rosary, ang mga GKK nga nahisakop sa Zone 9 nagsaulog sa unang Zonal Fiesta sa samang adlawa diin ang Birhen sa Lourdes ang ilang nahimong patrona. Kini gipahigayon sa mga GKK Servant Leaders (GSL) sa maong zona nga pinangulohan sa Zone 9 PSK Coordinator, Carmen Galang inubanan sa mga Pangulo ug Miyembro sa mga GKK nga nahisakop sa Zona 9 ilabina ang partisipasyon sa mga Kabatan-onan.

Kining maong kalihukan maghatag og dugang kadasig sa mga parokyano sa pagpuyo na maampoon sama ni Birhen Maria ug maghatag og dugang kusog sa mga Kabatan-onan sa pagpadayon sa Pag-rosaryo.

Nagsugod ang nobena alang sa preparasyon sa Birhen Sa Lourdes Zonal Fiesta niadtong February 2, 2022 hangtod February 10, 2022 sa alas sais matag gabii sa Birhen Medalla Melagrosa, Tigatto 9 Chapel. Ang matag Nobena gitambongan sa matag GKK na sakop sa Zona: Birhen Medalla Melagrosa, Tigatto 9, San Isidro Labrador, Km 8, Tigatto, Sto. Niño, Hillside, Tigatto, San Vicente Ferrer, Sta. Marina, Tigatto, Sto. Niño, Lapanday, Tigatto, Sto. Niño, Uyanguren, Tigatto diin gipangulohan sa mga Pangulo sa Liturhiya (PSL) sa matag GKK nga na assign. Ang Zonal Fiesta Mass gipahigayon niadtong Pebrero 11, 2022 sa alas 8:00 ang takna sa buntag ug kini gipangulohan ni Rev. Fr. Christopher Concepcion, TOR.

VIVA BIRHEN SA LOURDES!

(Richie Lubon/Allyza Hope Tabigue, GKK SoCCom)