Sto. Niño hinungdan sa atong pasalamat ug kahiusa sa misyon

Sa pasinunang bahin pa lamang sa iyang homiliya, atol sa ika-39 nga kapistahan, si Fr. Edsel Paloma, Kura Paroko sa Sto, Nino Parish, Kaputian, IGACOS, mipadayag sa dako niyang pasalamat. Atol sa kapistahan nila iyang kalipay ang kasayuran nga ang ilang misa sa piyesta, sama sa naadan madungog ug masunod sa DXGN 89.9 Spirit FM. Kalipay usab niya ug iyang dakong pasalamat nga ang kapistahan, ilabina sa Misa, gisalmotan sa mga halangdong opisyales sa siyudad sa IGACOS.

Matod niya nga bisan siya dili “charismatic preacher”, iyang giawhag ang katawhan sa pagtubag nga puno sa kinabuhi ang iyang paabot nga timbaya sa malipayon nga piyesta. Gisaysay niya sa iyang homiliya ang kaimportansiya sa imahe sa Sto. Nino nga maoy unang gasa sa mga unang Pilipino nga nakadawat sa pagtoo sa milabay nga 500 na katuig. Gihandum usab niya ang mga unang misyonero nga gikan sa Espanya ug ang mga misunod nga mga “expedition” ug misyon nga maoy unang responsable sa pagkahimong Kristiyano sa mga Pilipinhon.

Isip bag-o pa lamang nga Kura Paroko sa Sto. Nino, Kaputian, IGACOS, giawhag ni Fr. Paloma ang kahiusahan sa pagkakatilingban sa parokya subay sa panig-ingnan sa mapaubsanon nga Batang Hesus. Iya usab nga gipasalamatan ang tanan nga lumilihok sa Parokya apil na ang suporta sa mga opisyales sa siyudad. (DCH)