Edukasyon sa Pulitika Prayoridad sa Arkidayosis

Gihatagan karon ug prayoridad sa Arkidayosis sa Dabaw ang paghatag ug political education sa mga botante pinaagi sa gimugna nga Political Education Team.

Unang nagtagbo ang Pol-Ed Team sa Arkidayosis sa katapusang quarter sa tuig 2021 nga gitambongan sa mga representante sa Social Communications (Davao Verbum Dei Media Foundation, Inc.), Social Action (ASAC), Katolikong mga Tulunghaan (Davao Association of Catholic Schools), Relihiyoso, Ignatian Institute of Religious Education Foundation, Inc. ug uban pang sakop sa simbahan ug Parish Pastoral Council for Responsible Voting (PPCRV).

Nagkahiusa ang maong pundok nga gipanguluhan ni Arsobispo Romulo G. Valles, D.D. nga magtutuk karon sa paghatag ug impormasyon o edukasyon sa pulitika alang sa mga sakop sa simbahan sa Arkidayosis sa Dabaw.

Tumong sa maong pundok mao ang paggiya sa mga botante alang sa pagpili sa maayong lider nga mo-alagad sa katawhan sa mosunod nga mga bulan.

Dunay 16 ka mga mithi kon values nga gipagula ang PPCRV nga maoy gamiton alang sa political education sa porma sa mga modules inubanan sa mga giya alang sa mga facilitators.

Sama sa gisugdan sa DACS nga modules nga gihatag ngadto sa pundok sa akademiya, gihimo usab sa mga tulunghaan sa Holy Cross of Davao College, Inc. ug sa uban pang mga tulunghaan ang pamaagi sa Synodality kon konsultasyon tali sa pipila ka mga estudyante nga nahimong kabahin sa circle of discernment, kabahin sa kamahinungdanon sa pagsalmot sa eleksyon.

Lakip sa gisugdan karon nga pamaagi sa pagpakatag sa maong mga mithi mao ang sa media: social media, radyo ug peryodiko, ug uban pang platform.

Pinaagi sa DACS, gihimo sa HCDC ang radio plugs, info graphics nga pagagamiton sa mga parokya o Gagmay’ng Kristohanong Katilingban, ug sa social media.

Ang programa sa radyo nga gisabak sa tulumanon nga Kristohanong Kalambuan alang sa Kalinaw (KKK) sa DXGN 89.9 Spirit FM, matag Sabado, alas 7-9 a.m., gisugdan sa pagtuki ang kabahin sa pulitika niadto pang bulan sa Disyembre, 2021.

Gihan-ay na usab sa relihiosyong kongregasyon sa mga Redemptorists ang module nga ipakatag ngadto sa mga parokya. Ipahigayon ang usa ka facilitators training alang niini sa tabang usab sa mga facilitators nga mga magtutudlo gikan sa HCDC.

Andamon usab sa IIREF ang political forum aron nga mapakatag ang mga values nga angayang masaryan sa mga botante.

Ang specific nga mga values nga gihan-ay sa media/promotions team nga gihiusa sa 16 ka mga values gikan sa PPCRV mao ang mosunod:

1. Makadiyos
2. Makabuhay – (Makakinabuhi)
3. Makatao – Makabuluhan at Matino ang Pamumuhay (Makahuluganon ug Hapsay ang Pagkinabuhi)
4. Masigasig Tumulong Makaahon ang Bawat Isa – Makatao (Abtik nga Motabang Makahaw-as ang Matag Usa Ka Tawo)
5. Makalinga at Maalaahanin (Maamumahon ug Masinabtanon)
6. Makaka-angat ang Lahat, Hindi Nang-iiwan (Mouswag ang Tanan, Dili Mamiya)
7. Makatuwiran at Patas Makisama (Makatarunganon ug Makiangayon nga Maghugoy Hugoy)
8. Common Good – (Alang sa Kaayuhan sa Tanan).

Gilauman nga mapadagan usab ang maong mga mithi/values ngadto sa mga parokya una pa moabot ang piniliay sa Mayo 9, 2022.