Pagsundayag sa Nagkadaiyang Talento

Giniyahan sa Parish Priest, Rev. Fr. Jesus H. Samaniego DCD, ang Youth Ministry sa Our lady of the Miraculous Medal nagpahigayon og mga aktibidades sulod sa usa ka semana nga giapilan sa nagkadaiyang mga participante gikan sa nagkalain-laing zona sa Parokya alang sa kasaulogan sa ika-12 nga Parochial Fiesta nga gisaulog sa milabay’ng Nobyembre 27.

Gipahigayon ang Poster Making Contest ug Creative Face Mask Contest sulod sa Parokya Nobyembre 20. Gipasundayag ang ilang mga nagkandaiyang buhat ug desinyo gawas sa simbahan aron makita usab kini sa ubang mga kaparokya. Ang participante sa Zone 2 ang midaug sa maong mga contest diin gipakita nila ang ilang talento sa pagdesenyo sulod lamang sa 40 minutos.

Nobyembre 21 gipahigayun ang E-sports (Mobile Legends) nga giapilan ug tag-usa ka team per zone nga adunay 5 players. Niining panghitaboa makita gayud ang kalingaw ug kahugyaw sa mga batan-on bisan pa virtual lang kining gibuhat. Dakong pasalamat sa team nga nagrepresenta sa Zone 3 kay sila ang overall champion sa dula.

Nobyembre 20, nagpahiyagon og virtual quiz bee diin midaug ang trio sa Zone 5. Sa nisunod nga adlaw gipahigayon ang Story Telling Contest diin giapilan kini ug mga batang nag-edad 7-9 years old ug midaug ang representante sa Zone 2. Gipahigayun ang Tiktok Competition atong milabay’ng Nobyembre 24 diin aduna kini 2 ka categories. Midaug ang Zone 3 sa solo category ug nag-tie ang Zone 2 ug Zone 4b sa group category.

Nobyembre 25 nahitabo ang Medalla Milagrosa Cosplay Competition diin naa kini 4 ka categories. Zone 3 ang midaug sa Kids Category, Zone 4B ang midaug sa Youth Category, Zone 2 ang midaug sa Middle Age category ug Zone 4b ang midaug sa Senior Citizen Category.

Nobyembre 26 diin gipahigayon ang Song Cover Competition nga aduna usab 2 ka categories. Nag-tie ang Zone4A ug Zone4B sa solo category ug midaug ang Zone 5 sa group category. Nobyembre 27, gitanghal na mananaug ang representante sa Zone 2, sa Spoken Poetry Competition.

Nobyembre 27, adlaw sa kapistahon sa Parokya diin nagpahigayon ang mga batan-on ug usa ka FB Live nga gipangunahan ni Donna Mae Alviola ug Joseph Jay Gravador isip mga host sa maong event. Gipahiyagon ang live para maghatag ug gamayng kalipay alang sa mga nitan-aw pinaagi sa pagpadula ug trivia nga gitubag sa mga naglantaw niini. Nianang hapona usab gipahibalo ang mga midaug sa mga kalihukan. Bisan walay premyo kining mga dulaa, makita sa mga mata sa nangapil ang kalipay sa ilang pagrepresenta sa matag zona.

Dakong pasalamat sa Youth Ministry sa mga nitabang nga mahimong malampuson ang mga aktibidades nga ilang giandam. Daghang salamat sa OLMMP Youth Animators, PDART, Altar Servers, Coregroup, Youth Choir mga kadagkuan nga mialalay, ug sa Kura-Paroko sa maong Parokya na si Rv. Fr. Jesus H. Samaniego, DCD.

Nagapangandoy ang mga kabatan-onan nga unta magpadayun sap ag-alagad ang mga batan-on sa Parokya pinaagi sa nagkandalaing grupo nag ilang giapilan. Nabulahan gayud ang tanan. (OLMMP Youth Ministry)