J.A.B. sa Parokya: Bakunadong Parokyano Mapasalamaton!

Tungod sa pagkuyanap niining makatakod nga kagaw nga COVID-19 sa tibuok nasud, nagapadayon kita sa pagsunod sa mga luwasnong protokol inubanan sa pagsalig ug pag-ampo. Karon, mapasalamaton kita sa labaw’ng makagagahum tungod sa mga bakunang miabot aron mahunong na ang pagdaghan ug pagkuyanap sa maong sakit ug malipayon nga mobalik sa normal nga sitwasyon.

Ang J.A.B o Joint Action alang sa Bakuna sa Parokya ni San Antonio de Padua sa Agdao, nagmalampuson sugod sa unang pagbakuna o first dose niadtong Oktubre 9, 2021 og ang second dose niadtong Nobyembre 20, 2021. Ang maong programa naka akomodar og 600 kapin nga mga parokyano gikan sa 76 ka mga GKK.

Kining maong programa nahimong posible sa pakig-alayon sa City Government of Davao, Archdiocese of Davao, Davao Doctors Hospital (DDH), Barangay Health Workers (BHWs) gikan sa Brgy. San Antonio, Brgy. Lapulapu ug Brgy. R. Castillo, Archdiocesan Social Action Center (ASAC), ug Holy Cross of Agdao (HCA) nga nahimong vaccination venue, City Health Office (CHO), Department of Health (DOH), Bureau of Fire Protection-Davao (BFP), Barangay Tanod gikan sa Brgy. San Antonio sa nag-implementar ug nagbantay sa seguridad.

Nagkahiusa usab ang nagkadaiyang komitiba nga daku og kaambitan ug rason sa nagmalampuson ang vaccination program sa parokya. Ang Steering Committee nga gipangulohan nila Jundy Silawan ug Nena Cabig, Secretariat Committee nga gipangulohan nila Gary Guivencan ug Virginia Combis, Security & Marshall nga gipangulohan ni Joel Libre, Logistics Committee nga gipangulohan ni Mary Cañete, Telecommunication Committee nga gipangulohan nila Marthina Juaban, Gabriel Ricafort ug Nicole Faunillan, Food Committee nga gipangulohan ni Cecil Tibus ug Vilma Guivencan, Documentation Committee nga gipangulohan ni Josh Amper, Restoration Committee nga gipangulohan ni Anthony Cañete, ug Aesthetic Committee nga gipangulohan ni Reynalin Nebril.

Mapasalamaton usab ang mga lumilihok sa J.A.B sa mga indibidwal nga mihatag og suporta sama sa pinansyal, pagkaon ug pag-ampo.

Sa katapusan, tungod sa walay puas nga suporta nga nadawat gikan sa kura paruko sa parokya nga si Reberendo Padre Amado B. Arroyo ug sa iyang kaabag nga si Reberendo Padre Reyjie C. Penecios, AJC ang maong programa nahimong hapsay ug mabungahon. (Justin Felicia | Parish SocCom | San Antonio de Padua Parish)