Who is your Favorite Saint?

Ako si RALPH GERALD S. CANO ug nailhan usab nga si Bro. Joy. Ako miyembro opisyales sa ministriya sa Pangulo sa Liturhiya (PSL) ug usa usab ka miyembro sa Eucharistic Minister of Holy Communion (EMHC) sa San Pablo Parish.

Ako adunay debosyon sa santos nga si SANTO PADRE PIO sa Pietrelcina. Ihimplo nako siya sa iyang pagpangalagad diha sa Santos nga Misa. Dili sayon ang kinabuhi diha sa pagpangalagad ilabi na kung abuton kita sa mga pagsulay sa kinabuhi. Apan ako dayong nga panaminan ug hinuklugan ang mga kasakit nga giantos sa atong Ginoong Hesukristo ug sa mga santos ug mga balaan nga milahutay hangtud sa ilang kamatayon, bisan tuod namatay ang ilang yutan-on nga lawas apan sigurado ako nga sila buhi uban sa atong Langitnong Amahan.

Sama ni Santo PADRE PIO, midawat siya sa katungdanan nga gisangon kaniya sa Dios diha sa pagsaulog sa Santos nga Misa ug pagpang-ayo sa mga masakiton. Sa akong pagka PSL aduna pud mga higayon nga adunay mohangyo kanako nga mga masakiton nga magpa-ampo sa ilang balay o sa mga ospital ilabi na niadtong wala pa ang pandemiya o bisan karon basta adunay pagtugot sa mga hingtungdan, naga bisita ako gihapon sa mga masakiton. Ako nagatoo nga bisan na lang niini makahatag ako og kahupayang espiritwal sa ilang mga balatian.

Si Santo PADRE PIO, nakasinati og Stigmata sa iyang mga kamot mao nga naga suot siya og gloves. Ang pagsuot niya og gloves gisundog pud nako kay kini man gud akong wala nga thumb duha ka buok nga murag nagsanga o murag paak sa alimango, nga usahay sabod alang kanako. Bisan pa man niini wala kini nahimong babag diha sa akong pagpangalagad sa pagsangyaw sa pulong sa DIOS diha sa Kasaulogan sa Pulong matag Sabado sa among GKK ug usab sa pagbulig sa Santos nga Misa isip usa ka EMHC.

SANTO PADRE PIO, I-AMPO MO KAMI!