Pag-abli sa Sinodo sa Lokal nga Simbahan

Niadtong Oktubre 10, 2021, gilunsad sa atong Santo Papa Francisco ang pagsugod sa Synodal Process pinaagi sa pagsaulog sa Santos nga Misa sa St. Peter’s Basilica, Roma ug gilunsad usab kini sa matag Archdiocese/Diocese sa tibuok kalibutan niadtong Oktubre 17, 2021.

Sa Archdiocese sa Davao, gi-awhag ni Archbishop Romulo Valles ang matag parokya sa pagbuhat usab og pormal nga pag-abli ug paglunsad niini sa maong adlaw (Oktubre 17, 2021) uban sa katawhan diha sa pagsaulog sa Santos nga Misa (Votive Mass of the Holy Spirit).

Gipangulohan ni Archbishop Romulo Valles ang Santos nga Misa sa San Pedro Cathedral sa alas 9:30 sa buntag nga gisibya live sa DXGN 89.9 Spirit FM – Davao.

Sulod sa maong Santos nga Misa, gipresentar ang Archdiocesan Pre-Synodal Team nga gisaligan nga mogiya ug mopasayon sa mga kalihukan sa maong pagpangandam sa Sinodo.

Ang duha nga mangulo sa maong team nga ginganlag Contact Persons sumala sa Synod General Secretariat sa Vatican, mao sila:

1. Mr. Eduardo Pacana – Lay Coordinator sa Archdiocesan Council of the Lay Apostolate and Integrated Movements (ACLAIM)
2. Msgr. Julius Rodulfa – Pastoral Director, Episcopal Vicar for the Clergy & one of the Vicars General of the Archdiocese of Davao

May responsibilidad as Process Observer si Bishop George Rimando, ang atong Auxiliary Bishop sa Davao
Ang ubang mga kauban sa Archdiocesan Pre-Synodal Consultation ug Facilitating Team:

1. Fr. Archimedes Lachica, SJ – Ateneo de Davao University
2. Fr. Russell Bantiles – Parish Priest of St. John Paul II Parish, Los Amigos Superintendent of Catholic Schools in the Archdiocese of Davao
3. Fr. Hermogenes Garcia, SSS – Parish Priest of Our Lady of Assumption Parish, Torres and Episcopal Vicar for Religious
4. Mr. Lunar Fayloga – Faculty Member of Ateneo de Davao University
5. Atty. Charina Sanz – San Pablo Parish
6. Ms. Mary Ann Almeria – Archdiocesan Social Communications Ministry Worker and Youth Apostolate Coordinator
7. Cecilia Ramos – PSK and GKK Coordinator of St. Joseph the Worker Parish, Sasa
8. Victoria Estoque Anghag – Archdiocesan Pastoral Worker

Gibuhat ang Rito sa “Commissioning” sa maong team pinaagi sa pag-ampo uban sa kantang Veni Creator Spiritus, paghatag sa Arsobispo sa kandila nga gisindihan gikan sa Paschal Candle, (Sprinkling of the Holy Water), pagpresentar sa mga simbolo sa sinodo ug paghalad og bulak atubangan sa imahe sa Mahal nga Birhen Maria uban sa pagkanta sa “O Maria Rayna sa Pilipinas”.

Sa Kinatibuk-an, nahimong malampuson ug solemni ang maong selebrasyon sa Santos nga Misa sa San Pedro Metropolitan Cathedral ug sa mga Parokya sa Archdiocese of Davao.

Sa pagsugod niining Synodal Process sa mga lokal nga simbahan, gi awhag ni Santo Papa Francisco ang tanan diha sa pag abli sa kaugalingon sa lihok sa Espiritu Santo, sa pag-ampo, pagpaminaw ug pagpamalandong. (MAA)