Ang Putling Kasingkasing ni Hesus

(An excerpt from the Homily of Most Rev. Romulo G. Valles, D.D., Archbishop of Davao, August 6, 2021 during the live streamed mass of the 73rd Parochial Fiesta of the Most Sacred Heart of Jesus Parish, Calinan.)

Unsa ang kasingkasing sa Ginoo, ang kasingkasing ni Hesus diin gihatag nato ang atong pagtoo? Una, first reading gikan sa libro ni Prophet Hosea, ingon ang Ginoo: “Hoy, Israel pagkapalangga ka nako Doy, gamay paka gikugos ka nako, ako pa kang gihiktan sa akong lampin, sa dihang nagtubo ka ningduko pako para ako kang hungitan. Unsaon naku pagbiya nimo, di gyud tika malimtan kay ako gyud kita nga mahal nga anak.” Sa unang pagbasa klaro dinha nagbinuang na ang anak, wa nay batasan ang anak. Apan niingon ang Ginoo sa unang pagbasa, palangga ta man gyud ka, grabe na akong kasuko nimu pero di man gyud ko masuko nimo kay ako Dios man dili man ko tawo. Puno sa kalooy, walay puas nga pagpangga. That is the heart of Jesus – Divine Heart, Sacred Heart. Kung wala pa ng “sacred” dugay nata nahurot, dugay na tang gibiyaan. Pagkaanindot nga kasing-kasing!

Now, today we are reminded unsa ang giingon nato nga Sacred Heart Of Jesus, the heart of God. Sus, gipangga tika pag-ayo pero pagkagahi nimo og ulo, pagkabuang gyud nimu, puno na kaayo ko, suko kaayo ko nimu. Pero unsaon man Dios man ko dili ko tawo magpadayon ko pagpangga kanimo. Mao na ang atong Dios, mao na ang kasing-kasing ni Hesus. Mao na kabulahan nato sa kagahi nato’g ulo di kita magmakuli pag-adto kang Hesus, Sagrado Corazon de Hesus. Pagkanindot sa gasa sa pagtoo. Pagkanindot sa atong pagkamatuohon. Pagkanindot sa atong Catholic Faith nga mga anak kita, tawo kita men and women nga duna kitay kadaganan and would always accept us kay puno siya sa mercy and compassion.

Ikaduha nga lesson karon today as we are devotees, nanimba ta, nga Katoliko ta, hagit niining pag-ila sa Sagrado Corazon ni Hesus mura ba’g about us, kita. Niingon si San Pablo sa iyang sulat ngadto sa Efeso, ako si Pablo nga ubos sa labing ubos ninyo. Kinsa may pinakauyamot diri? Ako mas ubos pako nimu ana si Pablo, ako nga ubos pa kaysa pinakaubos ninyo nag-awhag kaninyo sa dili pa magmakuli pagsangyaw sa dili masukod sa bahandi sa misteryo ni Kristo, gited to give, gifted to sangyaw, gifted to witness, gifted nga magpatakod dili sa Covid-19, gifted nga mosulti ka sa uban unsa ang kaayo sa kasingkasing ni Hesus.

Ingon si Pablo dili unta ta magmakuli sama kanako sa pagsulti sa uban, sa pagsangyaw, sa pagpakita, sa pagpasabot unsa ka dili matukib kining kanindot kung kita magatoo sa Ginoo.

Ingon si Pablo, ako nga pinakaubos sa tanang ubos. Bisan pa nagtinda ka ug sibuyas sa palengke o ikaw ordinary nga Mama dili intawon maka-lecture pero walay exemption kitang tanan. Mura’g ingon si San Pablo, grabe pud if you cannot say in your own way, in your own style sa pagpadayag sa kaboutan sa Ginoo. Tanan bisag ginagmay lang to proclaim in our own little ways the goodness of the Lord. To say moadto kita sa kasingkasing, mokawos kita, mokabo kita sa tuburan sa gugma ug pagpangga. Grabe pud ayaw hulata ninyo nga ang obispo ray mosulti niana, pari ray mosulti niana, madre ray mosulti niana. Kitang tanan tungod kay ang simple reason, my dear brothers and sisters, not because ang mga obispo, mga pari, mga madre, mga readers mura’g nakahibalo, nakaeskwela, nakaseminar. No! Ang rason nganong kinahanglan ug dapat ug may katungod nga mosulti sa kaayo sa Ginoo kay tanan man ta nakatilaw sa kaayo sa Ginoo. Basi ang inyong istorya mas maayo pa sa akoa, di ba. Grabe sad pud ug wala pero kada usa may istorya, may kasaysayan sa pagtoo. Mao niingon si San Pablo, ayaw magmakuli. Challenge to all of us nga mga devotees – the Sacred Heart of Jesus kanang nature unsa kaboutan, unsa kaayo ang Ginoo ato nang isangyaw, misyon nato na, gifted kita but we give, we let others know. Pukawon nato sila sa ilang pagtoo.