Diosnong Gahom ug Walay Katapusang Kalooy

12th Sunday in Ordinary Time (June 20, 2021)
Jb 38:1, 8-11 | Ps 107:23-24, 25-26, 28-29, 30-31 | 2 Cor 5:14-17 | Mk 4:35-41

Adunay duha ka tumong si Jesus sa iyang paghimo sa mga katingalahan o Milagro, dinhi sa atong ebanghelyo karon. Una mao ang pag-alim sa mga nag-antus nga katawhan ug ang ikaduha mao ang paghatag sa iyang kalooy. Samtang sa laing bahin ang mga nakadawat sa sa iyang katingalahang mga buhat ug kalooy , adunay abli nga mga kasingkasing, masaligon ug mituo sa iyang gahom.

Apan luyo niining tanang gibuhat ni Jesus, gatusan usab nga katawhan nga iyang nakatagbo, dili abli ang panghunahuna ug kasingkasing, ug walay pagsalig ug pagtuo kaniya , sama sa mga pariseo mga Saduceo ug mga pangulong pari, ug uban pang mga Judeo. Daghan kanila ang walay interest mahitungod sa Dios. Daghan kanato karon ang gitawag nga Kristyano sa ngalan lang, apan halayo ra kaayo sa Ginoo kay matud pa mas praktikal sila sa kinabuhi, “down to earth” kono diin dili sila mag-usik-usik sa panahon sa pagtuon mahitungod kang Kristo kay ang unahon mao man ang panginahanglan sa lawas o sa kaugalingong kalipay. Mahinungdanon alang kanila nga mabuhi nga haruhay, adunay dagkung balay, adunay lima ka sakyanan, ug di pader ang malapalasyong resort aron maka relax. Daghan hangtud karon ang nagmasakiton sa kalag, tikamatay apan walay pagtuo, pagpaubos ug pagsalig dili sama kang Jairus nga miluhod atubangan kang Jesus ug nangaliyupo nga ayuhon siya. Sama usab sa nag-antus nga babaye nga miduol kang Jesus, bisan gidid-an sa katawhan, aron lamang makahikap sa sanina ni Jesus nga puno sa pagtuo.

Karong adlawa, magpasalamat kita sa gasa sa aktibong pagtuo nga gihatag kanato aron makapadayon kita sa pagsalig kaniya aron sa kanunay mag-ampo nga alimahan ug kaloy-an kita. Palaw-mon usab ang atong pagtuo ug pag-ampo alang sa katawhan nga hangtud karon nagpahilayo pa gihapon kang Jesus.