Pangitaa pag-una ang Gingharian sa Dios. Seek ye first the kingdom of God. (Part 2)

(An excerpt from the Homily of Most Rev. Abel Apigo, D.D., Bishop of Mati, April 19, 2021 atol sa Funeral Mass para kay Bishop Emeritus Patricio Alo, D.D. )

Obispo nagsangyaw diha sa pulong sa kinabuhi.

Mga kaigsuonan, nakita nato sa pagsugod sa Santos nga Misa diha sa Rito sa pagdawat nga diin gipahiluna ang mga Kristohanon nga Simbolo. Unang gipahiluna mao gayod ang Ebanghelaryo, naa sa inyohang atubangan, the Gospel book. Ang pag-ampo sa pagpahiluna niini nagkanayon, “Sa kinabuhi ni Bishop Pat miamping ug misangyaw sa Ebanghelyo ni Kristo. Sugaton unta siya ni Kristo uban sa nga pulong sa kinabuhi nga nagkanayon, “Umari ka nga gipanalanginan sa Akong Amahan. Come you who are blessed by my Father.” Kana ang dayag nga timaan diha sa iyahang pag-alagad sa Dios.

Makita nato diha sa iyahang pagpangsangyaw ang passion, kaikag diha sa pagsangyaw sa pulong sa Dios. Bisan asa pa ta, mabasa nato ang mga stickers. Pag-abot nako diri, pagpuli, daghan kaayo sa mga wall, diha sa clergy house mga stickers, biblical quotations, nga maghatag og tawag nato ug makatawag gayod sa atoang atensyon bahin sa mao nga mensahe. Mao nga dagko nga mga, usab, mga billboards nga iyahang gipamutang og nga anaa ang mga biblical quotations nga iyaha gayud nga gipaprinta. Ang uban gi-paint pato kay wala pa maimbento ang mga tarpaulins. Basta lamang nga dunay makita nga visible nga mga timaan nga magpahinumdum sa katawhan bahin sa Pulong sa Dios. Ug mao kana nga dili gayod makalimtan sa mga tawo diha sa lugar sa Badas nga anaa ang dako nga billboard, “Dauga ang Dautan sa Maayo.” Memorize kaayo ninyo kana nga bersikolo og mao kana nga matag-agi sa bus o mga sakyanan nga transportasyon pang publiko “Nong, ihunong ko sa Dauga”, dili moingon nga “Nong, ihunong ko diha sa Badas”, “Nong ihunong ko diha sa Dauga”. Nagpasabot nga kadto nga panultihon nakakuha gayod sa atensyon sa mga tawo. Og kato nga miingon nga dili gayod nila makalimtan. Bisan gani sa iyang mga sakyanan nakasulat, “AVE MARIA”, mao na nga sa seminaryo kaniadto, kung naay board meeting, mailhan gayod nako nga “Ahh ang nag-abot walay duda, si Bishop Pat.” Dako kaayo ang “AVE MARIA” sa iyahang sakyanan.

Pipila lamang kini diha sa iyaha gayud nga pagpadayag sa kaikag sa pagsangyaw sa Pulong sa Dios. Ug mao kana nga diha sa iyahang pagpangsangyaw sa pulong sa Dios, ang pagtabok niya sa mga kasapaan, pagbyahe sa layo nga mga lugar didto sa East Coast. Naka mention si bishop sa kalisod pa niadtong panahon ni bishop Regan, naabtan napud ni bishop Pat, nga lisod pa kaayo ang pag-adto sa mga Simbahan. Imagine ang kalisod, gitabok ang mga kasapaan, gisaka ang mga kabukiran alang lamang sa “Quaerite primum regnum Dei,” “Pangitaa pag-una ang Gingharian sa Dios.” Makita kini diha sa iyahang kinabuhi.

Diha sa katapusang bahin sa kinabuhi ni Bishop Pat, ako kumbinsido gayod nga siya nagmalinawon na diha sa Gingharuan sa Dios. Nakadawat siya sa katapusan nga Rito o katapusan nga sakramento sa Simbahan, ang sakramento sa Pagdihog. Ako, uban sa pipila ka membro sa college of consultors, nagpahigayon niining sakramento una siya gidala didto sa Regan Hospital sa Diocese sa Tagum. Ug mao kana nga makaingon ko, diha sa atong Ikaduhang Pagbasa “O kamatayon, hain na ang imong kalalang? O kamatayon hain na ang imuhang gahom? Dili nimo mabuntog o dili nimo makuha ang usa ka kinabuhi kay dunay kinabuhing walay katapusan.” Mao na nga musalig kita sa Dios ug sa Iyahang kaluoy niining atoa nga paghalad sa Santos nga Misa alang kang Obsipo Pat.