KNOT: Roy

Dear KNOT,

Maayong adlaw. Ako si Roy, batan-on. Akoa lang nga ipaambit ang akong gamayng obserbasyon sa atong kahimtang karon taliwala ning pandemya.

Ang among pamilya usa ka relihiyosong Katoliko. Kaniadto sa wala pa ang pandemya, kanunay nga naga simba matag Domingo ug nahilambigit sab sa mga kalihukan sa simbahan ug sa among GKK o gagmayng kristohanong katilingban.

Usa ako ka aktibong miyembro sa mga batan-on sa among GKK. Matag kalihukan anaa kami mu asister sa kung unsay mga gikinahanglan. Nasayud sab ako sa mga pipila ka liturgical events sa Simbahan sama sa Advent, Lent, ordinary time apan angkonun ko nga dili tanan. Kulang pa ang akong kaalam, labi na sa akong pagto-o isip Katoliko.

Dear KNOT miabot sa punto nga nakapangutana ako sa akong kaugalingon kung duna ba gyud GINOO. Curious lamang ako siguro tungod dili pa ingon-ana ka lawum ug hugot ang akong pagto-o. Daghang mga pangutana, mga pagduha-duha, kalibog sulod sa akong alimpatakan. Mga pangutana ug ngano dunay mga tawo nga lain-lain ang pagto-o ug relihiyon. Duna pud mga tawo nga walay giilang GINOO o maski unsa o kining gitawg nila ug Atheist.

Hinuon wala ako madani o naghuna-huna nga mubalhin ug unsa man nga mga denominasyon apan uhaw ako sa dugang kaalam mahitungod sa akong pagto-o. Hinaut nga malamdagan ako.

Salamat,
Roy

P.S. Ang pagtoo nag-agad sa atong tagsa-tagsa ka mga kaugalingon. Salig kita sa usa ka pagtoo sa Labawng Makagagahom nga buhi apan dili makita. Kini atong hinumduman nga bersikulo sa Bibliya, John 20:29 Miingon dayon si Jesus kaniya, “Motuo ka na ba karon kay nakita mo na ako? Bulahan ang mga tawo nga nagatuo kanako bisan wala nila ako makita.”