Kinyentos nga donasyon alang sa kinyentos ka mga pamilya

Nagpahigayon ug gift-giving activity ang San Alfonso Parish – Lectory, Commentators, Choir, and Psalmists ministry, diin adunay 500 ka balde ang naapod-apod sa mga pamilyang labawng nagkinahanglan. Inisyatibo ang maong proyekto sa LCCP members ug ni Fr. Jojo Ortiz, kura paroko sa San Alfonso Ma. de Ligouri Parish. Kini subay usab usab sa pagsaulog sa nasod sa ika 500- gatos nga anibersaryo sa Kristyanismo sa atong nasod nga adunay temang “GIFTED TO GIVE”.

Gipang apod-apod ang mga naingong balde sa tanan GKK sakop sa San Alfonso Parish nga adunay mga indigent families, hilabi na kadtong mga nawad-an ug trabaho ug labawng apektado sa padayong pandemia. Gisugdan ang pag pang apod-apod sa Brgy. Katualan sakop sa syudad sa Panabo sa Davao Del Norte kung asa mao kini ang pinakalayo nga GKK gikan sa centro-Mandug.
Gipangunahan ang maong pag pang apod-apod sa kura paroko sa parokya, Fr Jojo Ortiz kauban ang iyang parish youth coordinator, assistant youth coordinator, social communications coordinator, mga miyembro sa LCCP ug mga Navy volunteers.
Nagpasalamat usab ang coordinator sa LCCP sa parokya nga mao si Bro. Jay-ar Yaranon sa tanang misalmot, migahin ug bahandi, oras ug kusog alang matabangan atong mga kaigsuonan nga labawng nagkinahanglan. (Jomar Earl Narciso| San Alfonso Ma. de Ligouri Parish SoCCom)