Youth, Gifted to Give (Part 3)

(An excerpt of the talk of the Most Rev. Abel C. Apigo, D.D., bishop of Mati, March 22, 2021 during DXGN Online Recollection)

THE CHALLENGES: YOUTH AS GIFTED TO GIVE!

According to the latest Labor Force Survey recently released by the Philippine Statistics Authority, the youth population (ages 15 to 24) as of January 2020 was 19.8 million. During the same month, the youth labor force and participation rate was at 37.4 percent or 7.43 million. I don’t know how accurate is this but if we say that this is correct then imagine the 20 million young people can influence very much to the Church and to the society. Daku kaayo nga porsiyento kini nga numero nga 19.8 Million diha sa range nga 15 to 24 years old. Kung ato kining i-translate ngadto sa mga tao nga moadto sa simbahan matag Domingo or Sabado mapuno gayud ang simbahan. Kung kini nga number tanan makaboto sa election makapadaug jud kini ug usa ka kandidato.

Mga kaigsuonan sa atong pagpamalandong karong gabhiona diha sa atong “panaw sa panahon sa kuwaresma ug alang usab sa atong pagpangandam nato sa umaabot nga Semana Santa tuguti ako sa paghatag ug pipila ka mga puntos diha sa atong Tema Youth Gifted to Give! Sa unsa nga paagi nga makita gayud nato labi na sa mga batan-on nga niining ika-500 Years Celebration of the Arrival of Christianity to our Country.

1. Youth: Gifted to Give – Accompaniment in the Journey by the Adults!

Una makahatag ang mga batan-on sa ilang kaugalingon isip GASA NGADTO SA UBAN kinahanglan nga sila una ubanan diha sa ilang pagdiskubre sa ilang kaugalingon ug sa ilang pagpakiglambigit ngadto sa uban. Pope St. John Paul II said in his book Crossing the Threshold of Hope miingon siya “the desire to be one’s own person, however, must not be understood as a license to do anything, without exception. The young do not want that all – they are willing to be corrected, they want to be told YES or NO. They need GUIDES and they want to be close at hand!” (cf. Pope St. John Paul II CTH p. 121). Ang mga batan-on sa ilang panaw sa paghamtung sila dili sirado (close) nga dili mamati. Apan ang mga batan-on andam mamati kung sila komentaryohan sa uban. They need GUIDES!

Siguro mo-komentaryo kita nga “ang mga batan-on dili naman mamati kanamo. Mura ug lahi ang ilang kalibutan!” Kana nga komentaryo dili gayud kana nag describe nga ingon ana ang mga batan-on kay sila andam gayud mamati. Ang simbahan nagsulti bahin niini diha sa pag-ingon “young people need to have their freedom respected, yet they also need to be accompanied. The family should be the first place of accompaniment” (cf. CV # 242). Kini jud matuod nga sila gusto gayud nga respetuhon ang ilang kagawasan apan sila andam gayud nga ubanan sila sa ilang panaw. Hinumdumi mga ginikanan nga namati sa radyo ug nagtan-aw karon nga sa Trinity Cable ug sa FB LIvestreaming sa mga Dioceses nga kamo ang mga frontliners diha sa pag-uban sa atong mga kabatan-onan. Mao kana nga kamo ang una nga mag-umol sa ilang mga huna-huna ug kasingkasing aron nga ang mga kabatan-onan lig-on ug andam nga modawat sa hagit nga GIFTED TO GIVE!