GKK, Gifted to Give (Part 4)

(An excerpt of the talk of the Most Rev. Medil Aseo, D.D., Bishop of Tagum, March 26, 2021 during DXGN Online Recollection)

Sa wala pa ang mga Gagmay’ng Kristohanong Katilingban, sa akong nasaksihan, walay klaro nga mga boundaries, roles and functions nga pagahuptan sa mga napili alang sa maong pwesto. Pero sa dihang naa nay mga Gagmay’ng Kristohanong Katilingban, naa nay mga geographical delineations. Pananglit ang usa ka parokya nga gilangkoban 50 tingali ka mga sakop motapo siya sa mas dako nga kahugpungan, 3 o 4 ka mga parokya nga gitawag nato ni og deanery, vicariates.

Makita nato dinhi nga ang mga movements sa mga katawhan nga nagmugna og mga Gagmay’ng Kristohanong Katilingban, sa parish level ug sa pundok sa pipila ka mga parokya nahimong vicariate level ug gikan sa vicariate ngadto na sa Diocesan level. So, naa nay direction ang movement.

Daku kaayong gikatabang ang organisasyon sa GKK tungod kay ang sagad natong mahibaloan, ang estruktura sa atong Simbahan mao man lamang ang Obispo nga nagdumala uban sa iyang mga pari ngadto sa iyang mga katawhan. Ang mga katawhan tigdawat ra. Apan sa GKK, Gagmay’ng Kristohanong Katilingban nga panghuna-huna, magsugod ang duso sa pagdumala gikan sa katawhan mismo, gikan sa ubos paingon sa taas. Dunay participation, kung baga, ang mga layko, active participation of the laity.

Dunay usa ka pari sa Tagum nga naghimo og pagtuon sa dagan sa mga GKK’s sa Tagum. Ang titolo sa iyang studies, “Implementation of the Basic Ecclesial Communities’ Commitment and Spiritual Growth”. Daghan ang mga gitan-aw diri pero matod pa ang gitabang daw sa mga kahugpongan ani o pagkamugna aning mga Basic Ecclesial Community (BEC), kon GKK, nakatabang kini sa mga layko ug sa mga kaparian sa ilang pagpadagan sa mga GKK nga nilambo sila sa ilang pagtahan sa ilang kaugalingon, kanang commitment ba, nuh. They are now more focused on their commitment ug labaw sa tanan, milambo pud sila sa natad sa espirituhanong kinabuhi, ang ilang spiritual life, sa ilang pag-alagad sa Ginoo ug sa ilang isigkatawo.

Karon, unsa kining Gagmay’ng Kristohanong Katilingban, just to look into, a little bit sa internal reality of this. Sumala sa paglarawan sa unang Mindanao-Sulu Pastoral Conference niadtong 1971 sa syudad sa Davao, ang GKK maoy hugpong sa mga matuohong katawhan sa Dios nga naga-ampo, nagatudlo ug nagadumala. Sa inengles pa, worshipping, teaching and serving communities. Matod pa, ang atong pag-ampo, importante kaayo na kay mao na ang maghatod kanato sa matang sa pagtoo nga gihuptan nato. Matod pa sa pinulongan, “lex orandi, lex credende”.

Niadtong ikaduhang MSPC sa tuig 1974, nag-ingon nga ang mga GKK maoy mga katilingban nga nagabarog sa kinaugalingong, pagpalig-on, self nourishing, kinaugalingon nga padumala, self-governing, ug kinaugalingon nga pagpakaylap, self-sustaining. Sa ato pa, kining maong mga katilingban bag-o nga panglantaw ilabina sa mga layko kay gihatagan og pagtagad ang pag-apil sa mga layko nga dili na lamang ang mga kaparian ug ang Obispo ang magdumala sa Simbahan apan ang mas dako nga bahin nga nagalangkob niini mao usab ang tagaan diay og pagtagad, nga mao ang mga layko, mga lay people.

Matod pa sa unang Archdiocesan Pastoral Assembly of Davao niadtong 1982, ang focus o tutok sa GKK mao gayod ang evangelization, pagsangyaw, catechesis ang pormal nga pagtudlo sa atong mga pagtulon-an sa pagtoo. Ug ang ikatulo, formation of leaders. Abi ninyo kining sa pagmugna og simbahan o GKK, wala gyuy kataposan kining formation. Mao ni ang medyo challenging nga bahin gyud kanatong mga kaparian, ang pag-umol sa atong mga kaugalingon, ingon man usab sa atong mga lay people, lay leaders.