56 katawo midonar og dugo nga gihimo sa Parokya

Gipangunahan sa mga Pangulo Sa Alagad ang pagdonar og dugo sa San Alfonso Ma. De Ligouri, Mandug, sa pakig alayon sa DOH XI Blood bank. Gisugdan ang maong aktibidad alas 8 sa buntag ug natapos sa alas 12 sa udto sa milabayng dominggo, Pebrero 21.

Sigon sa coordinator sa mga PSA nga mao si Mrs. Lorna Opinion, gisugdan ang maong aktibidad sa tuig 1999 hantod na karon. Sumala usab niya nga ang maong mga gipang donar nga dugo maadto sa mga taong nanginahanglan kaayo niini.

Sumala sa talaan sa mga PSA, adunay 56 ka indibidwal ang mi donar sa ilang dugo, usa na dira ang Parish Priest sa parokya nga mao si Rev. Fr. Jemasol “Jojo” Ortiz. 17 hantod 50 anyos nga naga timbang og 50kls. sa kinaabsan ang gitugutan nga maka donar og dugo.

Ayha, gikuhaan og dugo ang mga nag donar, gipakaon usa sila hilabi na ang kadtong mga wala kapamahaw og mainit na bulalo, gulay ug itlog. Kini subay usab sa tugon sa DOH XI. (Jomar Earl Narciso | San Alfonso Ma. de Liguori Parish SocCom)