Pangkalibutanong Adlaw sa mga Masakiton

Dungan sa kapistahan sa Mahal na Birhen sa Lourdes, Pebrero 11, mao usab ang tuig sa pagsaulog sa pangkalibutanong adlaw sa masakiton kon “World Day of the Sick” nga gisugdan ni kanhi Santo Papa Juan Pablo II niadtong tuig 1992. Ang parokya sa St. Mary of the Perpetual Rosary kada tuig nagasaulog niining kalihukan. Gitambongan kini sa mga parokyano nga edaran ug adunay mga balatian.

Niining tuiga tungod sa pandemya nga nasinati, gi-awhag ang ubang miyembro sa panimalay nga maoy mo representar sa mga edaran ug adunay balatian nga maoy motambong sa Santos nga Misa aron madawat ang panalangin. Ang Santos nga Misa gipahigayon thru Facebook Live Streaming sa alas diez sa buntag nga gipangulohan sa Kura Paroko, Rev. Fr. Dionisio C. Tabiliran. Pinaagi sa Mass Live streaming makatambong gihapon ang atong kaigsoonan nga edaran ug adunay balatian ilabina sila ang gikonsidera na mga “vulnerable” nga miyembro sa katilingban.

Gipaambit ni Fr. Diony nga panahon sa mga Hudeo ang ilang mentalidad nga kung nagmasakiton ang tawo tungod kay aduna silay sala busa gikinahanglan nga mangayo’g pasaylo sa Ginoo, sa mga tawong iyang nalapasan ug sa iyang kaugalingon. Ang pagpasaylo ug pakig-uli makaayo kini dili lang sa physical kundili apil espiritual. (Jing Buagas Candido | SMPRP SoCCom)