GKK SoCCom padayon sa pag-alagad taliwala sa pandemya

Matag bulan sa wala pa ang pandemya adunay ginapahigayon nga panagtigom ang mga GKK SoCCom sa St. Mary of the Perpetual Rosary Parish nga gipangulohan sa among Parish SoCCom Coordinator, Hermelita Mapute.

Bisan pa sa pandemya adunay regular nga komunikasyon ang Parish SoCCom Coordinator ngadto sa mga GKK SoCCom pinaagi sa Facebook chat group, virtual meeting ug video call. Pinaagi niini ang mga GKK SoCCom makanunayong nag-alagad gihapon sa parokya ug sa matag GKK.

Ang mga SoCCom gitahasan sa pag document sa mga activities nga gipahigayon sa parokya ug GKK. Sa parokya nag volunteer ang mga SoCCom as mass gift gatherers panahon sa Misa de Gallo ug Sunday Masses. Sa mga GKK nga kalihukan ang mga SoCCom nag document sa mga Kasaulogan, Rosary, Visitation sa Mahal nga Birhen ngadto sa mga GKK matag Martes ug Blessed Sacrament matag Huwebes, Hiniusang Pag-ampo ug Novena, Fiesta Mass ug Sunday Mass.

Gihimo kini nga mga gimbuhaton sa mga SoCCom luyo sa pandemya aron mapadayon ang kadasig sa pag-alagad taliwala sa mga pagsulay sa maong krisis. Dugang pa nga mabati ang kaayo ug gugma sa atong Ginoo ug matagamtam ang kalinaw sa matag adlaw.

Sa gihapon kanunay nga gipahimangnuan ang mga miyembro sa katilingban sa pagsunod sa mga health protocols nga ginapatuman sa atong gobyerno sama sa pagsuot sa face masks, face shields, paghugas sa kamot gamit ang sabon ug alcohol, ug pagsunod sa social distancing. (Aurelia A. Ayco GKK SoCCom | St. Mary of the Perpetual Rosary Parish)