Debosyon sa Balaang Sakramento Luyo sa Pandemya

Gipangunahan sa mga Extraordinary Ministers of the Holy Communion o mga Lay ministers ang pagdebosyon sa Balaang Sakramento sa parokya sa San Alfonso Maria de Ligouri.

Ang tumong sa maong pagpahigayon sa Balaang Oras mao ang pagkonekta sa mga lay ministers sa Balaang Sakramento dili isip usa ka sakramental nga butang lamang kon dili mao ang tinood nga buhing lawas sa atong Ginoong Hesus. Gibuhat usab kini aron sila maka higayon nga makapagpamalandong ug ingon man nga makig-uli diha sa atong Ginoo. Gibuhat usab kini aron nga mas malalom pa ilang pagtoo ug matagaag kinabuhi ilang pagserbisyo isip usa ka lay minister.

Sigon usab ni Bro. Dante Bontia, coordinator sa mga lay minister nga kining maong debosyon eksklusibo lang unta para sa mga lay ministers pero nadesisyonan nila kauban ni Rev. Father Jojo Ortiz, Kura Paroko, nga i-abli kini sa tanang orginasisyon, grupo, apostolado, ministriya bisan man sa mga parokyano sa Mandug nga gusto muapil sa maong pag debosyon sa Balaang Sakramento. Kamatikdan nga ubay ubay ang mga nisalmot nga mga parokyano sugod nga gi abli ang debosyon alang sa tanan.

Importante ang maong debosyon hilabi na kita nagasagubang ug pandemya kung asa gakaylap ang kasubo ug kabalaka. Ang Balaang Sakramento naga pahinumdon kanato nga anaa lamang ang Ginoo andam mudungog ug muhupay sa atong mga kasakit, kabalaka ug kahadlok.

Ang maong debosyon mag sugod sa alas 7 sa gabii matag Sabado. Isibya usab ang maong debosyon sa San Alfonso Ma. de Ligouri Parish – Mandug Official page alang sa kadtong dli makaadto pero gusto mu debosyon. Usab, abli kini sa tanang gusto musalmot.

Gisuguro usab sa mga staff sa parokya na nasunod ang mga minimum health protocols sa IATF sulod sa simbahan atol sa pagpahigayon sa maong balaang debosyon. (Jomar Earl Narciso | San Alfonso Parish SocCoM)