Covid dili babag, NBM 2021 malampusong gisaulog

Makahuluganon ug malampusong gisaulog sa St. Mary of the Perpetual Rosary Parish, Buhangin ang National Bible Month (NBM) 2021, diin gisugdan kini pinaagi sa Bible Enthronement dinhi sa sentro nga Simbahan ug ngadto sa mga GKK nga sakop sa parokya atol sa Hiniusang Pag-ampo.

Adunay tulo ka mga kalihukan nga nakalatid ang parokya aron mamahimong makahuluganon ang pagsaulog niini. Una mao ang Bible Quiz Bee, ikaduha, ang Virtual Dramatization of Biblical stories ug ang ikatulo, mao ang Virtual Singing Trio competition. Kini gisalmutan sa napulo ka mga sona nga sakop sa parokya. Ang maong kalihukan gipasiugdahan sa Kura Paroko, Rev. Fr. Dionisio Tabiliran ug Rev. Fr. Rey Sabuero, Parochial Vicar kauban si Seminarian Saul TonyMedel.

Gipahigayon ang Bible quiz bee niadtong January 24 & 31, 2021 sa matag alas onse ang takna sa buntag sa St. Mary Parish gym diin gi suportahan kini sa Parish Bible Apostolate. Pinaagi niining bible quiz bee diri masukod ang kahibalo sa matag usa kung natun-an ba gayud ang pulong sa Ginoo.

Gipahigayon ang pagtak-up sa National Bible Month niadtong Pebrero 14, 2021 sa alas diez ang takna sa buntag atol sa ikatulong Santos nga Misa. Nganong petsa katorse man sa Pebrero? Syempre Valentines Day! Mao kini ang gipili nga adlaw sa Kura Paroko nga si Fr. Diony aron mahatagan og hataas nga panahon sa pagpangandam ang mga partisipante. Si Fr. Diony nagkanayon nga “Valentines Day” – our LOVE for God, the gospels and our apostolates.

Gipangulohan ni Fr. Rey Sabuero ug Brother Saul Tony Medel ang paghatag sa mga certificates ngadto sa tanang partisipante. Malipayon nga midawat sa ilang mga certificates ug prizes ang mga nakadaog sa Bible quiz bee: Youth category- champion Allyza Hope Tabigue (Zone 8 Gkk SIL, Juliville), 2nd place Julianne Casquejo (Zone 5 Gkk Birhen sa Lourdes, Bacahoa), 3rd place Lhou Xhristine Bedolido (Zone 3 Gkk Divine Mercy, Geenland 1). Adult category- champion Cristina Catigara (zone 5 GKK San Roque, Emilia Homes), 2nd place Jean Noble (zone 3 Gkk St. Joseph the Worker, Remedios Heights), 3rd place Cesar P. Soliven Jr. (zone 8 Gkk SIL Uyanguren). Parish Recognized Organizations: Youth category – champion Blanche Sofia P. Barimbao (Youth for Christ- GKK SIL CDE), 2nd place Princess Jane Lawian (Music Ministry), 3rd place Joanna Mae Fernandez (St. Mary Youth Choir). Adult category – champion Jesus Fred Raquel (Couples for Christ), 2nd place Carlita F. Leone (Pangulo sa Pagpanudlo), 3rd place Apolinar Z. Rivero (LecComPs). Virtual Dramatization of Biblical Stories: champion Zone 3, 2nd place Zone 9, 3rd place zone 5. Virtual Singing Trio competition: champion Zone 3, 2nd place Zone 2, 3rd place Zone 1.

Ang virtual singing trio competition gihimoan kini og lyrics ni Fr. Diony Tabiliran nga ang titulo: Ang Pulong sa Ginoo, Makapahiuli. Ang mga partisipante ang nagbuhat og tono sa maong lyrics composition; gipasundayag kini ug ang virtual dramatization of biblical stories sa St. Mary of the Perpetual Rosary Parish Youth Ministry Facebook page sa alas siete ang takna sa gabii sa maong adlawa aron maka tan-aw usab ang mga parokyano sa nagkalain-laing entrante sa maong virtual competitions. Ang mga hurados sa mga virtual competitions mao ang mga Seminarista nga sila: Ephrain Lorenz Pajota, John Christian N. Caberoy ug Editho John Tomales.

Ang partisipasyon sa matag sona ug Gkk maoy usa ka buhing realidad nga diri sa Parokya sa St. Mary of the Perpetual Rosary ang Covid dili babag sa mga kalihukan. Pinaagi sa Pulong sa Ginoo mapamalandongan sa matag usa nga kini maghiusa kanatong tanan diha kang Kristo. Kita magpabiling magmadasigon ug magmalaumon bisan pa man sa mga pagsulay kita adunay kalig-on ug pagtoo. Atong papason ang kahadlok ug puy-an ang buhing pulong sa Ginoo.

Sa matag kalihukan sa parokya kanunay gipahinumduman ang tanan sa BIDA solusyon o mga Protocols nga gipa-implementar sa gobyerno ug sa Archdiocese sa Davao. (Arsenia Barimbao, PSK | St. Mary of the Perpetual Rosary Parish)