“PROJECT SMILE”: To Share and Motivate to Inspire people to Love Everyone. In the spirit of Alay Kapwa, this is a project of San Lorenzo Ruiz Parish, Talomo, Davao City to serve people in need, extend theme assistance and impart moral values in order to strengthen them in the midst of COVID-19 pandemic.
Alay kapwa gikampanya diha sa pamilya
Tungod sa kahimtang sa pandemya, gikampanya sa Arkidyosis sa Davao ang Alay Kapwa nga pagahimuon diha sa pamilya.
Sa sulat circular numero 8 ni Arsobispo sa Davao ug CBCP President, Romulo G. Valles, D.D., siya nag-awhag sa mga GKK Servant Leaders ug Tigpasayon sa Pundok Banay nga maoy moandam ug mopahimutang sa mga butang nga gikinahanglan sa pagpahigayon sa nahisgutan nga Alay Kapwa.
Matud ni Arsobispo Valles nga ilakip niining maong kalihukan ang aspeto sa pormasyon, pag-ampo ug hinabang aron mas mapalalom pa ang pagsabot sa mga magtotoo isip mga sumusunod ni Kristo. Himuon usab ang ikaduhang kolekta sa mga misa karong Marso 28, 2021, Domingo sa Lukay. Ang malikom gamiton sa pagsuporta sa mga programa sa Social Action diha sa parokya ug sa Arkidyosis.
Gipasabot ni Arsobispo Valles sa maong sulat circular nga 40% sa hinabang nga malikom sa tibuok kalihukan sa Alay Kapwa ibilin sa parokya. Depende na sa parokya kung magbilin ba og bahin sa GKK gikan niining malikom nga hinabang gikan niining maong 40%. Ang 60% ipadala sa Arkidyosis.
Ang malikom sa ikaduhang kolekta sa Marso 28, 2021 ipadala sa Arkidyosis, ug 32% niini ang ipadala ngadto sa CBCP National Secretariat alang sa pagsuporta sa Social Action sa CBCP-NASSA.
Gipahimangno usab ni Arsobispo Valles nga duna gayoy talaan diha sa parokya ug GKK sa mga pondo nga gitumong niining maong kampanya.
Kining maong kampanya nga kabahin na sa panahon sa kwaresma nagsugod dinhi sa Pilipinas niadtong tuig 1972. (DCH)
No Comments