Last chance

(Excerpt sa mga pulong-pasalamat ni Fr. Ruperto Jamili atol sa iyang ordinasyon sa Most Sacred Heart Parish, Calinan, Enero 11, 2021.)

Una sa tanan akong pasalamatan ang Ginoo nga maoy hinungdan ngano nga nagkatapok kita karon sulod niining balay-alampoanan, ang simbahan. Kita isip mga anak sa Dios nagkatigom karon niining sakramento sa orden sa pagkapari.

Nagpasalamat ako sa Ginoo, dili tungod kay mitubag ko sa iyang tawag, kondili una sa tanan gipili man ko niya. It is not all about me but it is all about God. This is not my story, story of my family, but above all the story of God’s love. Nga gipili ko bisan sa akong pagkahuyang, sa akong pagkamakasasala, sa mga limitasyon. Gani dili angayan apan nahimong angayan tungod sa gugma, kalooy ug grasya sa Dios.

Pasalamat pud ko sa Birhen Maria, Inahan sa Kanunayng Panabang ug Inahan pud sa kanunay nakong sumbongan diha sa mga kasinatian nako sa akong kinabuhi.

Ikatulo, kay Archbishop Valles. Bishop salamat kaayo sa imong presensiya dinhi nga nahimong simbolo sa panaghiusa isip amahan sa Archdiocese of Davao and successor of the apostles. Salamat bishop sa pag-ordain, for sharing this gift of priesthood to me, bisan luyo sa kahimtang nimo, kahimtang natong tanan, apan ikaw migahin og panahon.

Salamat usab Bishop Abel sa imong pagpahinumdom, Rector nako pagsulod gawas, sulod gawas sa seminary. Naulaw gani ko sa iyaha kadtong pag-istorya nga pagbalik nako sa ikatulong higayon giingnan ko niya nga nagduha-duha siya sa akoa. Miingon siya nga this is your last chance, ikatulo na, murag ana ba. Kanang last chance nga naa siya giingon, wala gyud nako tugoti nga mapalong diha sa nabuhi hangtod nga misangko nga ingon ani. Salamat kaayo Bishop sa imong presensiya!

Ug sa Davao Clergy, sa ania dinhi ug wala dinhi. Sa mga ania dinhi mianhi gyud. Salamat kaayo Fathers, salamat sa inyong presensiya, sa inyong time, gahin og panahon. Ug kadtong mga wala pod dinhi I know in spirit you are with us.

Salamat pod sa Board of Consultors ug sa Commission on the Clergy for your trust and confidence on me and on us, sa mga giordinahan.