Mayor Sara Duterte-Carpio gipasalamatan sa Arsobispo

Gipasalamatan ni Arsobispo sa Davao ug Presidente sa Catholic Bishop’s Conference of the Philippines, Most Rev. Romulo G. Valles, D.D., ang halangdon Mayor sa Davao sa iyang pagpaabot sa panghinaut ug pag-ampo sa kaayohan sa lawas niadtong nasakit ang Arsobispo niadtong Hunyo 23, 2020.

Sa pagsugod sa iyang homiliya sa Santos nga Misa atol sa pag-abli sa ika-35 nga kasaulogan sa Kadayawan didto sa San Pedro Cathedral, Agosto 10, kinasing-kasing nga gibutyag pinaagi sa pag-ingon nga “one of those who texted me was the City Mayor. I am sure she texted me with her prayers.” Iyang nabati ang pakighiusa ug panghinaut sa tibook siyudad uban sa mga lumilihok niini.

Mapaubsanon usab nga giangkon sa Arsobispo ang sekreto ang siya nadala sa ospital ug nakagawas Hulyo 7. Gidawat ni Arsobispo Valles nga siya adunay sungkod nga dala-dala aron motabang kaniya sa paglakaw. Apan iyang nakita nga makaya na niya kini uban sa pag-amping.

Dako ang iyang kalipay nga human sa kapin usa ka bulan, uban sa mga maayong doktor ug nag-atiman kaniya, siya karon makabalik na sa pag-alagad isip amahan sa Arkidyosis sa Davao. Siya mapahiyumon nga mitapos sa iyang pasalamat, “as a priest, our joy is to be with you, to be with the people of God.”