Domingo nga mga Misa gisaulog sa Miercules hangtod Sabado sa hapon

PDART and Eucharistic Ministers of Holy Communion getting ready for the MGCQ Holy Mass (Photo: San Antonio de Padua Parish-Agdao FB)

Domingo nga mga Misa gisaulog sa Miercules hangtod Sabado sa hapon/gabii in advance, pwede ba diay na?

Oo, PWEDE kaayo! Ginatawag nato kining maong mga misa nga Anticipated Masses. Ang mga balaod sa simbahan nga nagaobligar kanato (merely ecclesiastical laws) sama sa pagsimba sa Domingo, pagpuasa ug paglikay og pagkaon og karne sa Miercules sa Badlis ug Biernes Santo ug uban pa kay pwede ma-“dispense” (dispensation from Lat. vulnus legis) or “relaxed”. Sa ato pa, pwede kita ma-exempt or pwede ma pangitaan og lain nga paagi nga mahimo gihapon ang obligasyon kung adunay mga bug-at nga rason o hilabihan nga kalisdanan. Ang mga obispo sa diocese ug uban pang mga lideres sa simbahan nga adunay “executive power” makahimo sa pag-dispense sa mga merely ecclesiastical laws (Canon 85). Mao nga, niining mga panahon sa pandemya ug tungod kay wala pa gitugot ang pagsimba sa Domingo, ang atong mahal nga Arsobispo mitugot nga saulogon nato ang Sunday Mass in advance kon anticipated Mass sa gabii sa mga adlawng Miercules hangtud Sabado. Sa ato pa, kung mosimba ka sa Miercules sa gabii (4:30 PM or 6 PM Mass) sa atong parokya sa Agdao, nakasimba ka na sa Domingo “in advance”. Gihimo nato kini para maka accommodate sa mga parokyano kay 274 ka partisipante lang ang allowed musulod sa simbahan sa isa ka misa.

Pangutana: Unsa man ng Anticipated Mass?

Ang Anticipated Mass mao ang misa nga ginasaulog in advance before the day when the mass “should be” celebrated. Ang lituryikanhong panahon dili sama sa civil nga pag-ihap sa adlaw. Kung ang Domingo magsugod sa 12 midnight after 11:59 sa gabii Sabado sa civil nga timing, sa liturgical time sa church ang Domingo nagsugod na sa 4 sa hapon sa Sabado (4 pm is the evening sa Church liturgical time). So, LEGIT kaayo nga masaulog nato ang Domingo sa Sabado pa lang sa 4 sa hapon. (Coriden et Al, New Commentary of the Code of Canon Law, Canon 1248, p. 1445)

Pangutana: Ah, OK kaayo nga ang Misa sa Domingo saulogon Sabado sa hapon sa Anticipated nga paagi. Masabtan nato ang Sabado sa hapon (4 pm) as the beginning of Sunday in the liturgical time. Pero, murag layo ra man kaayo ang Miercules o Jueves o Biernes sa Dominggo?

Dinhi musulod ang pagsabot sa gahum sa obispo sa pag-dispense sa balaod (merely ecclesiastical law, see Canon 11) sama sa obligasyon sa pagfulfill sa Sunday obligation. Karon, ang atong Archbishop nagpakanaog og dekreto nga pwede masaulog ang Domingo in advance sa mga hapon sa adlawng Miercules hangtud Sabado. Makasabot kita tungod kay anaa kita sa malisud nga panahon sa pandemya ug wala pa gitugot ang pagawas sa Domingo. Timan-i, ang labing dako nga balaod sa simbahan SALUS ANIMARUM (kaluwasan sa tanang mga kalag). Ug hinumdumi, iya sa Ginoo ang tanang panahon sa atong kinabuhi.

We hope this helps sa pagsabot unsa ang atong mga Anticipated Sunday Masses sa panahon sa MGCQ. Salamat!

Should you have queries or concerns, please feel free to contact us through FB. Have a blessed day and may Saint Anthony of Padua intercede for us. (Facebook post courtesy of San Antonio de Padua Parish)