Sixth Sunday of Easter Homily (Part 3)

(An excerpt of the homily of the Most Rev. Romulo G. Valles, DD., Archbishop of Davao and CBCP President, during the 6th Sunday of Easter Holy Mass, May 17, 2020. Part 3 of 3)

Ang katapusan nga Good News nga akong ipahinumdum nato karon anaa in the middle of the second reading. Miingon didto, andam ba kamo motubag kung dunay mangutana kaninyo bahin sa inyong paglaum? Mao nay ingon ni San Pedro. Pangandam kamo kung dunay mangutana bahin sa inyong paglaum.

Kung laktoron pagkasulti, andam ba kamo motubag nganu nga ang imong nawong kampante kaayo bisan nagkagubot na sa COVID_19? Nganong cool man kaayo ka, nganong ang imong disposisyon bugnaw man kaayo? Andam ba ikaw makatubag, andam ba ikaw makapa-ambit sa imong silingan sa pipila ka pulong pagpasabot aron matakdan pud siya nganu nga ikaw malaumon? Ngano nga ikaw malipayon despite of sa atong kalisod karon? Ngano man daw kusgan ikaw? Ngano man nga confident ikaw?

Miingon si San Pedro, hinaut unta pud nga maka-isplikar ka, makasulti ikaw, You become a teacher of faith to others and you are. And we are magtutudlo sa pagtoo ngadto sa uban. Kitang tanan pud ana, mag-ready kita, ayaw pasagdi ang Obispo kay basig wala mo mo-angay sa akong style, kitang tanan man na. Andam na ba kamo nga mosulti bahin sa inyong pagtoo, inyong kalipay, inyong pagsalig, inyong paglaum niining mga adlaw sa kalisod.

Mga igsoon, kini ang nindot nga mga bunga. Kini ang makapainit sa atong kasingkasing tungod kay matag Domingo diha sa pulong nga atong mabati gikan sa Balaang Kasulatan ug ngadto sa santos ug balaan nga pan ug bino nga mao ang lawas ug dugo sa atong Ginoo kada Domingo sa Holy Eucharist. Batasan nato ug batasan sukad pa sa sinugdanan handed on by the apostles mao na apostolic Church kanunay ang Domingo mga igsoon adlaw sa kalipay, pagsaulog sa maayong balita alang kanatong tanan.