Sixth Sunday of Easter Homily (Part 1)

(An excerpt of the homily of the Most Rev. Romulo G. Valles, DD., Archbishop of Davao and CBCP President, during the 6th Sunday of Easter Holy Mass, May 17, 2020. Part 1 of 3)

Unsa may maayo kanang inig simba nato labi na ma-domingo, inig tapok nato, inig encounter nato sa Ginoo? Masinati nato ang Ginoo always man na good news, maayong balita nga atong madala bisan wala ko moingon nga mawala ang kalisod. Apan diha sa kalisod ug kangitngit ug kahadlok murag isog, puno, malipayon, kampante, confident ang atong kasingkasing mao kana always ang good news. Naa gyud always ang maayong balita.

Tungod kay sama sa gibuhat na kaniadto pa sa unang mga kristiyanos, mga ninuno nato, katigulangan sa pagtoo centuries ago, more than 2,000 years ago sa unang mga adlaw sa simbahan. Ang importante nga tatak sa simbahan sa nagatoo kang Kristo anaa kana sa unang pagbasa karon they were filled with joy.

Unya another part tatak na sa simbahan niining unang pagbasa karon, murag good news nga mapahinumduman kita. Mao nga kini akong ginasulti inig kompirma naku, moingon duna’y pilosopo ba “wala man lagi kompirmasyon dinha sa bibliya, mao ng duna’y katoliko, dunay pakompirma-kompirma, imbento man siguro lang na! Of course mga igsoon ang Hudiyo nga pagtoo dugay na kaayo sila ang ilang mga lihok dunay mga ngalan. Ayaw’g kalimot nga kining atong gibasa karon early days ni sa simbahan bag-ong dispensation. Mura ni ug sa ilang panahon pa atong pulong murag “new normal”, ang normal katong mga hinudiyo. Pero “new normal” ni karon kay bag-o lang nabanhaw si Jesus ngkapa-kapa pa sila. Busa atong nabati karon the most popular action in order to be with Christ mao ang bunyag.

Nabati karon ingon ang unang pagbasa, pero niadto pa si Pedro gikan sa Jerusalem nga always duna pud nay timaan nga united gyud, dili tagsa-tagsa sa Antoquia, didto sa Tibungco, didto sa Lasang, No! They were one diin ang mga 12 ka apostoles mao to diin ang sentro didto pa man sa Jerusalem niadto sila sa bag-ong teritoryo ug laying-on of hands. Gipandungan sa kamot nakadawat sila sa Espiritu Santo.

Ah! Laing pagsaulog dunay bunyag duna pud paghatag sa Espiritu Santo nga atong ginganlan karon ug Kompirmasyon. Mao ni sugod nga dunay mga timaan nga batasan na ang pagdawat sa sakramento. Ug ayaw kalimti una gyud nilang batasan “new normal” alang sa mga Kristiyanos kaniadto mga Hudiyo pud to sila mao ang pagsaulog sa Eukaristiya kada first day of the week. Unsay naa sa Bibliya nga klaro pero dili nimu ayohon pagbasa, pataka! Ang mga katoliko magtuman kay Sabado gyud. Yes, Sabado sa mga Hudiyo pero ang “new normal” nga nagatoo kang Kristo is to gather together to celebrate the pagpikas-pikas sa pan sa unang adlaw sa semana nga mao pud nganong naghimo ang mga unang mga kristiyanos niana. Maoy batasan sa Catholic Church mao man na ang adlaw sa kadaugan. Gipildi ang kamatayon adlaw sa kadaugan sa pagkabanhaw ni Jesus mao na nga naa pud natong batasan sa pagsimba matag Domingo. Good news na mga igsoon mura tag malipay nga ah! subay gyud kita sa “new normal” kaniadto nga mahimong normal na kanato karon.