Divine Mercy Sunday Homily (Part 2)

Divine Mercy Sunday Homily of Archbishop Valles, Bishop’s Residence, F. Torres Street, Davao City (April 19, 2020)

Ikaduha nga pamalandong, mga igsoon niining Feast of the Divine Mercy, mao kini, kining atong nabati sa Ebanghelyo karon. Nakadungog man mo sa Ebanghelyo nga popular kaayo, dali mahinumdoman nato. Kung ang sentro, labina sa sentro sa Ebanghelyo, kinsay wala sa unang pagpakita ni Hesus? Si Tomas. “Dili gyud ko motuo,” ingon si Tomas, “nga naa siya nabanhaw kung dili nako mabutang ang akong kamot sa iyang mga samad.”

First, mangutana ta, naa ba diay ang samad sa Ginoo sa iyang glorified body. Mao nay pangutana, naa ba diay. Kay ang pag report sa Ebanghelyo gud lahi ang ilang tuyo pagsulat. Nagbasa kog libro karon bahin niana. Kang Raymund Brown. Tan-aw ning mga seminarians. Pero basta kay ang dili nato malalis anaa ang iyang mga samad. Kung akoy pakomentaryohon, moana unta si Hesus, wala na koy samad oy! Kay nabanhaw naman ko. Hamis na pag-ayo. Wala nay mga bruises. Wala na. Wala nay mga bun-og.

Kining mga adlawa og atong iphon perting bun-oga pa si Hesus niini kay gikan sa krus. Pero atong wad-on nang mga pangutana. Naa ang iyang samad sa iyang kamot, sa iyang kilid. Ang nindot nga punto sa estorya, I think, sa sunod pagpakita ni Hesus sa mga apostoles naa si Tomas. Unya niingon si Hesus, “hikap Tomas sa akong mga samad.” Pagkakita ni Tomas sa samad, miingon siya, “My Lord and my God.” “Akong Ginoo, akong Dios.”

Ang mga samad diay, ang pag-antus, ang krus nga sitwasyon kini sa pagkabanhaw, diha sa mga timaan sa pag-antus kita makaila nga si Hesus atong Manunubos. Diha sa mga timaan sa iyang kamatayon kita makaila kaniya. Diha sa atong dili pagdagan, dili paglikay sa pag-antus kita makaila sa Dios. Tomas, hikapa ang akong mga samad.

Tingali mga igsuon, ang atong dako nga pag-ampo nga mahisama kita kang Tomas niining atong gibasa karon nga Ebanghelyo nga dili kita mahadlok karon motan-aw, moatubang, mohikap sa samad sa atong mga pag-antos, labina ang pag-antus ug kasakitan sa the least among us. Dili kita mahikalimot kanila tungod kay pinaagi sa pagtutok kanila, sa pagdala sa atong kaugalingon ngadto kanila, paghatag sa atong pagtagad ngadto kanila, in the wounds and tears and sufferings of these people there we find Jesus. There we come to know Jesus. And there pinaagi sa pagduol nato sa pag-antus sa lawas ni Kristo, sa Simbahan karon, sa katawhan sa Dios karon, there makaingon kita “my Lord and my God.” Diha sa pag-antus, labina sa atong katawhan karon, diha sa pag-antus ni Hesus, Tomas hikapa ang akong samad we realize the mercy, ang kalooy sa Dios nga walay katapusan.