Divine Mercy Sunday Homily (Part 1)

Divine Mercy Sunday Homily of Archbishop Valles, Bishop’s Residence, F. Torres Street, Davao City (April 19, 2020)

Una sa tanan, ayaw kalimti kining pyesta sa Diosnong Kalooy duol kaayo sa dili pa lang dugay nga maampuon nga paghandum nato sa kasakitan, kamatayon ug pagkabanhaw sa atong Ginoo. Kon mangutana kita hain man, sa unsang paagi man, kanus-a man nato masinati, when was that nga nakaamgo kita nga siya ang Diosnong Kalooy? Mao kadtong gisaulog nato sa miaging weekend. Niadtong gisaulog nato Huwebes Santo sa gabii, Biyernes Santo, Sabado Santo, Easter Vigil. Lagi atong gihanadum ang iyang pag-antus, ang iyang kamatayon sa krus ug ang iyang madaugon nga pagkabanhaw.

Mao nga gipangita nako ang linya diri sa Second Reading. Sulat ni San Pedro, first among the Apostles, “magpasalamat kita sa Dios ug Amahan sa atong Ginoong Hesukristo kay tungod sa iyang dakung kalooy gihatagan kita niya og bag-ong kinabuhi pinaagi sa pagkabanhaw kang Hesurkristo.” Nabanhaw siya tungod kay namatay siya. Kana maoy gisulti ni San Pedro karon sa ikaduhang pagbasa. Hain, unsa, when ang atong gisaulog dili lang dugay mao ang konteksto nga makaingon kita Diosnong Kalooy nga walay katapusan. Mao pud ni ang gisulti sa unang pag-ampo ganina, gi-pick up niya. Busa mao kana ang atong gisaulog karon.

Dili pa lang dugay mga wala pay us aka semana, kay nagsige kog tan-aw sa International News, CNN, BBC, kanang duha, national pud motan-aw ko. Pero naay nindot sa CNN. Naay mga questions, unsay tawag niana, sa ubos. Usa ka question, at that time, gi-interview ang mga religious leaders. I don’t think naay Catholic didto pero mga religious leaders sa America. Dili pud daghan kaayo pero mao toy naabtan nako. Pero naa sa ubos gipangutana “if He is God, why is it that He is allowing this miserable condition?” Something like that. Kung Ginoo siya nganong gitugotan niya kining atong tumang pag-antos karon?

Murag wala to matubag kay daghan mang mga pangutana. Wala tubaga to kay mag-ili-ilis man ang mga pangutana pero mipilit na sa akong huna-huna. Dili na bag-ong pangutana. Why is God allowing, nganong iyang gitugot kining atong pag-antos karon? Nganong gitugot niya ang linibong kamatayon? Nganong iyang gitugot na?

Pero salamat sa Dios duna koy tubag nga nakahupay sa akong kasing-kasing ug huna-huna. Ang tubag pangutana pud. Kung siya Dios sa tumang kalooy, ngano man nga gitugotan niya ang iyang anak sa krus? Ang tono man gud sa pangutana mga igsoon ngano kung Dios siya gipaantos man kita? Mura bag God is unmindful. Murag distanced kaayo, wala gyuy siguro batia niya. Ah, ang tubag dili siguro perfect but very good beginning: ngano pud nga ang Dios mitugot kang Hesus sa tumang pag-antos sa krus sa kalbaryo?

For one thing, my dear brothers and sisters, kung maghatag natog comfort ug kahupayan is this, part sa pagtoo nga ang Dios dili stranger. Dili siya Dios nga wala makasabot, wala makasinati, foreign siya sa kasakit ug sa kamatayon. Sa ato pa, niining atong pag-antus karon anaa ang Dios. Dili lang anaa ang Dios, makasabot ang Dios. Ug dili lamang niana, ako na ning gisulti sa miaging semana, kon ugaling maglisod kitag pangutana unsaon nato pag-atubang kining pag-antus we go through this pag-antus sa style sa iyang Anak, nga si Hesukristo atong Manunubos.