San Pablo Parish nagsaulog sa ika-37 kapistahan

Gisaulog sa San Pablo Parish sa Juna Subdivision, Davao ang ilang ika-27 nga kapistahan niadtong Pebrero 23.

Subay sa tema nga “San Pablo, modelo sa dialogo ug pagsangyaw,” malipayong gisaulogon sa mga parokyano ang ilang kapistahan kauban si Archbishop Romulo G. Valles nga nangulo sa santos nga misa niadtong adlawa.

Hilabihan usab ang ilang kalipay nga nakauban nila sa kapistahan ang ilang bag-ong kura paroko nga si Fr. Allan Rodriguez nga kanhing na-assign sa St. Francis Xavier College Seminary. Kauban usab niya ang parochial vicar nga si Fr. Dioscoro Saniel nga gikan usab sa seminaryo.

Pipila usab ka mga kanhing kura paroko sa San Pablo sama ni Bishop Guillermo V. Afable sa Digos ug Bishop Julius S. Tonel sa Ipil nga nagsaulog usab sa misa niadtong adlawa sa kapistahan.

Nakauban usab sa mga pangulo ang pipila ka mga kaparian sa gipahigayong friendship game pagka-alas sais sa gabii.

Gitapos ang kasaulogan sa kapistahan pinaagi sa panihapon kauban ang mga kaparian ug mga pangulo nga layko.