Roofing in San Miguel Panacan

May beinte singko na ka tuig ang nilabay sukad sa pagtukod sa parokya ni SAN MIGUEL dinhi sa Panacan. Kini napondar kaniadtong Hunyo 19, 1994. Sa kadugayon na sa istruktura niini naa nay nagatulo sa ubang parte sa atop.

Pinaagi sa atong Kura Paroko nga si Rev. Fr. ZALDY D. ABONALES gisugdan niya ang pagpahigayon sa RE-ROOFING ning atong simbahan.

Sumala sa Finance Council Committee gipanguluhan sa maabtikon ug walay puas sa pagsuporta sa mga nagkadaiyang proyekto sa parokya Chairman Rudy J. Sultan ug iyang kapikas sa kinabuhi nga si Erlinda G. Sultan, ang banabana nga gastohon mukantidad kini og 1.6 milyon kapin. Uban usab sa mga paningkamot ug tabang sa tanang miyembro sa maong komitiba.

Gipasalamatan og dako ang mga parokyano ug sponsors nga mihatag sa ilang tabang financial, sa mga nipalit usab og mga Raffle Tickets. Daghang salamat usab sa mga maabtikon nga mga GKK Servant Leaders sa walay hunong pagsuporta sa proyekto sa parokya.

Timan-i nga ang nagpugas og diyutay, mag anig diyutay, apan ang nagpugas og daghan, mag-anig daghan. (2 Corinto 9:6) ug sumala sa giingon sa kasulatan, “Siya mahinatagon kaayo sa mga kabos ug walay kataposan ang iyang kaluoy.” (2 Corinto 9:9). (Lolita Dianan | SMP SoCCom)