Parish Bible Sunday Gisaulog sa Parokya

Niadtong Enero 26, 2020 ang parokya sa Miraculous Medal sa Indangan malampusong nagsaulog sa Bible Sunday nga gipahigayon sa kapilya sa St. Joseph the Worker GKK diin adunay 2 ka mga aktibidades nga gihimo. Ang una mao ang Poster making contest ug ang ikaduha ang Bible quiz.

Ang maong kalihukan gilangkoban sa 7 ka sona nga sakop sa parokya. Apan una gisugdan ang maong activity, ang Parish Bible Apostolate coordinator nga si Bro. Jun Ecle mihatag og hamubo nga pagpaambit mahitungod sa Bibliya. Iyang gisaysay ang kamahinungdanon sa Bibliya diha sa atong inadlaw adlaw nga pagkinabuhi nga kon unsa ang atong nabasa diha sa Balaang Kasulatan angay ta kining isangyaw ngadto sa uban pinaagi sa atong pagpuyo sa Pulong sa Dios.

Ang pagpahigayon sa Bible quiz gipanguluhan sa coordinator sa Formation Ministry nga mao si Sis. Elizabeth Ronolo. Ang maong quiz gibahin sa 3 ka kategorya, ang easy, average ug ang difficult category. Adunay lima ka sona ang misalmot sa maong kalihukan. Ang sona 3 mao ang nidaug sa Bible Quiz. Nidaug usab ang ilang representante sa poster making contest.

Nagmalipayon ang grupo sa Bible Apostolate tungod kay nagmalampuson kini bisan pa nga ang uban nga GKK wala nakapadala og partisipante. Matud pa ni Sis. Abeth Ronolo nga at least nasugdan kining maong kalihukan kay mao pa man kini ang unang higayon nga nakahimo sa maong activity sa maong parokya ug panghinaut sa tibouk ministriya nga sa sunod tuig aduna nay ubay ubay nga moapil niini. (Anabelle Encluna | OLMMP Soccom)