Pagsaulog sa ika-52 kapiyestahan ni Sr. Sto. Niño

Sa Enero 15, 2020 gihigayon ang fiesta mass live coverage sa Spirit FM DXGN Davao sa Shrine Hills Matina kung asa nagapadayon ang sunod-sunod nga misa sugod pa alas 8:00 sa buntag hangtod alas 5:00 sa hapon. Mao kini ang ika 52nd nga kapiyestahan ni Sr. Sto Niño dinhi, kung asa daghang mga deboto ang mitambong ug nakiglambigit, ang uban pod mibyahe pa gayud og layo makatambong lang dinhi.

Gipatuman pod ang hugot nga seguridad sa mga kapulisan ug kasundalohan alang hapsay ug organisado kini nga selebrasyon. Ug naa kitay na-interview nga si Mrs. Norelyn Villaflor, matod pa niya wala palang alas 5:00 sa buntag kung kanus-a magsugod ang prosesyon naa na gayud siya hangtud sa magsugod ang misa ug mitambong na siya. Makita gayud kaniya ang grabe nga pagpangandam alang sa usa ka lig-ong deboto ni Sr. Sto Niño. (Jennedy Juezan)