GKK/Parish Day 2019 nagmalampuson

Nagpahigayon og GKK/Parish Day ang Virgen Dolorosa Parish sa Babak, Island Garden City of Samal niadtong December 28, 2019.

Gisugdan ang kalihokan pinaagi sa usa ka santos nga misa nga gipangulohan ni Rev. Fr. Mervin George Maglana, Parish Priest. Human sa misa gisunod dayon ang earthquake drill nga gisalmutan sa tanang parokyano nga niapil sa misa.

Misunod dayon ang Christmas palaro ug dungan niini ang blood letting nga gipangulohan sa mga GSLs. Duna usab gipahigayon nga pagpanghatag og regalo sa BJMP nga gipangulohan sa PSL.

Human sa salosalo misunod dayon ang Parade of Christmas Costumes, carolling contest and raffle draw.

Mapasalamaton si Fr. Mervin sa tanang mipaambit sa maong kalihokan. Siya usab nag-awhag nga ang tanang GSL nga magmalahutayon ang pag-alagad sa Diyos diha sa Gagmayng Kristohanong Katilingban ug sa parokya.

Iyang gibutyag nga, “ang katawhang nagkahiusa, kalambuan sa parokya.” (Junelda Jauod | SoCCom Babak)