Kasalan sa Parokya

Usa sa mga programa sa Family and Life Apostolate sa Parokya sa Sagrada Pamilya sa Brgy. Dumoy ug Baliok ang Kasalan sa Parokya, diin ang mga nag-ipon sa pila na ka tuig giawhag sa maong programa. Daghan sa mga magtiayon ang nitubag sa maong imbitasyon. Karong tuiga duha ka hugna ang kasalan. Ang unang hugna gitubag sa 17 kaparisan nga nihimo sa ilang panaad atol sa Valentines Day, Pebrero 14.

Human sa napulo ka buwan, laing kasalan sa parokya na usab ang nahitabo. Ang sakramento sa kaminyoon gidawat sa magtiayon pinaagi sa kura-paroko, Fr. Roger Duhaylungsod, DCD.

Ang Kasalan sa parokya, nagmalampuson pinaagi sa pag-aghat sa mga PSKB sa matag GKK aron mabendisyunan ang panag-uban sa mga magtiayon. Mapasalamaton usab ang Family and Life Apostolate (FLA) ug ang Pangulo sa Kristohanong Banay (PSKB) sa makanunayong suporta nga gihatag sa mga pangulo sa barangay.

Dakong kalipay ang gibati sa bag-ong kinasal nga sa katapusan naselyohan na gayod sa sakramento sa kaminyoon ang ilang panag-uban. Nanghinaot ang FLA nga hatagan ug bili ang ang sakramento sa kaninyoon aron sa padayon nga katukuran Kristohanong Banay. (Arnila San Pedro | FLA Holy Family Parish)