OMPH Bajada Parish miapil sa Gallery of Saints 2019

Unang adlaw sa ikaduhang tuig sa Gallery of Saints October 26, 2019 miapil ang mga youth nga sakop sa Redemptorist Youth Ministry (RYM) ug mga GSLs sa Our Mother of Perpetual Help tungod kay ang unang speaker ug Presider mao si Fr. Jomil Baring-OMPH Parish Administrator ug Director sa RYM for Visayas and Mindanao.

“What does the word of God have to say to young people?” mao ang iyang topic nianang adlawa. Salamat sa Diyos tungod kay daghan ang mga youth nga gikan sa among parokya usab sa laing parokya nga naa nianang adlawa; daghan ang nakapaminaw sa maong input. Pero sa tinood lang kami usab nga mga hamtong daghan usab ang among nahibaloan tungod sa iyang topic. Ang iyang mga pangutana kanamo nakapamata, nakapa-attentive kanamo nga maminaw gayud kaniya.

Pagkadaghana man diay sa mga Bible stories nga ang Ginoo naghatag og mensahe alang sa mga batan-on. Diha sa Old testament iyang giisa-isa og hisgot ang mga kaagi nila ni Joseph the Dreamer, Gideon the Tactless and Blunt, Samuel the sleeping altar boy, David the Handsome boy, Solomon the wise king, the Fearful Jeremiah, Esther the slave girl. Ang ilang mga estorya ug kinabuhi makainspire nga balikon og basa aron imong ma-appreciate ang gibuhat sa Ginoo alang sa pagluwas sa iyang katawhan — kung diin ang usa ka kahimtang nga makaingon ka nga pagkalisoda, pagkalooya ba, mabalusan diay og usa ka dakong gasa sa kalipay ug kaluwasan.

Sa New Testament sa panahon na sa atong Ginoong Jesus si Fr. Jomil nag-ingon nga aduna usab daghang stories and parables diin ang Ginoo naghatag usab sa iyang mensahe alang sa mga batan-on. Diri mosulod ang estorya bahin sa “the Parable of the Younger and Big Brother (The Prodigal Son), the story of the Rich Man, the wise and the foolish young woman (The Ten Virgins), story of the widow with a dead son.”

Sa paghatag og example sa maong mga estorya iyang gi-share ang iyang mga personal experience sa kinabuhi. Convincing kini kay maka-ingon man ang naminaw nga walay exemption bisan diay siya nga usa na ka pari.

Reference usab niya kanunay ang mensahe ni Pope Francis sa mga batan-on ilabina kay Year of the Youth ang focus karon tuiga. Kung pangutan-on ko unsa ang nakatandog kanako akong maingon mao ang ka-importante sa pagbaton og usa ka batan-on nga kasing-kasing tungod kay pasabot niana open pa ko sa tanang posibilidad sa kinabuhi nga malipayon, maambiton sa kalipay ug kasakit sa uban ug kanunay nga nagapangayo sa Ginoo nga magmalig-on pa aron makatambong sa pagspread sa good news that HIS kingdom has come.

Salamat sa higayon nga nagkauban ang daghang youth ug mga hamtong, salamat nga walay conflict sa schedule ang parokya tungod kay sa mga milabay nga tuig kanunay na lamang nga matunong ang Gallery of Saints sa schedule sa ilang annual retreat. Indeed it is God’s way of letting the youth know the word that God wants to say to the young people of today. Happy Year of the Youth! (Marieta Comighud | OMPH SocCom)