Hello new GSL! Goodbye old GSL

Usa ka fellowship lunch gisalohan sa mga nanambong sa hiniusang tigom sa mga Pangulo sa Katilingban (PSK) ug SocCom niadtong November 11, 2019. Gidapit usab sa pag-apil sa maong tigom ang mga daang GSL. Sila miuban sa nipuli kanila ug usab ang pagpasalamat sa pila ka tuig nga panag-uban. Nabibo ang meeting tungod usab sa handa sa mga birthday celebrants.

Kasagaran sa mga bag-ong napili nga mga PSK ug SoCCom mga first timers pa. Mga batan-on lang ang SocCom kasagaran. Kasagaran kanila miingon nga wala pa silay experience mao nga kinahanglan pa nila ang panabang sa mga karaan.

Timing lang ang maong mga panghinaut tungod kay gitubag man dayon sa parokya ang maong hangyo kay pagkahapon niana ang mga GSL sa Zones 1-4 mitambong man sa first batch sa formation para sa mga leaders diin ang mga SATMI seminarians ang invited speakers. Ang second batch karong November 17, 2019 alang sa mga lideres sa Zones 5-7.

Sunod-sunod na dayon ang mga scheduled formation alang sa mga lectors dayon ang ilang installations. Apil na usab sa mga schedules ang para sa Misa de Gallo, Parish-wide Christmas Party, GKK Mass-December, Fiesta Mass para sa December, Mass sponsoring schedule sa mga GKK for December, Feeding, Church cleaning.

Nakuratan man ang mga bag-ong GSLs sa mga nagkalain-laing updates nga gihatag sa PSK Coordinator, SocCom Coordinator ug Parish Worker kami nagaampo nga mopadayon sila sa ilang bag-ong challenge ilabina kay aduna pa’y 4th BEC activities sa Davao diin adunay mga GKK nga napilian nga maadtoan sa duha ka exposurist.

Among panghinaut nga sila mopadayon sa ilang gimbuhaton isip mga bag-ong mga GSLs tungod kay sugod sa Enero 2020 opisyal na silang miembro sa mga lideres sa ilang tagsa-tagsa ka GKK. (Marieta Comighud | OMPH Parish SocCom)