Pinasahing Lipat Santo niandam sa Kapistahan ni San Francisco

“Kung ang atong pagsalig iya tanan sa Ginoo, ang atong gahum iya tanan sa Ginoo. We will become humbler and we don’t mind being poor.” – Abp. Valles

Gisaulog sa mga parokyano sa San Francisco de Asis Parish – Tagakpan ang kapistahan ni San Francisco de Asis niadtong Oktubre 4, 2019, Huwebes. Ang Santos nga Misa gipangulohan ni Archbishop of Davao and CBCP President Romulo G. Valles, D.D.

Ang novena mass pinasahi karong tuiga tungod kay nahimo kining Lipat Santo diin gisuroy ang imahe ni San Francisco sa nagka-iya-iyang GKK nga sakop sa parokya. Gisugdan kini sa San Francisco De Asis Parish ug misunod sa mga GKKs Sta. Catalina sa Manuel Guianga, OMPH sa Dipag 2, Sto. Niño sa Sarro, Birhen sa Lourdes, San Isidro Labrador sa Subasta, San Miguel sa Sirib, La Purisima sa Sirib, ug balik sa Parokya alang sa ika siyam na novena mass.

Ang tema sa kapistahan karong tuiga nagsubay usab sa tema sa tuig sa mga batan-on, “San Francisco De Asis: Duyugi Kami ug ang Uban sa mga Kabatan-onan nga Giniyahan sa Paghigugma, Gigasahan, ug Gigamhan sa Pag-alagad sa Imong Simbahan”.

Human sa wali ni Archbishop Valles gisunod ang installation sa bag-ong kura paroko nga si Rev. Fr. Mark Jann Perez, OSJ ug gipangulohan gihapon kini ni Archbishop Valles ug kasamtangan ang Chancellor of Archdiocese of Davao nga si Msgr. Jaime Gamboa nga mibasa sa sulat ni Abp. Valles alang kay Fr. Perez. Gipresenta usab ni Abp. Valles ang mga pipila ka katilingban na sakop sa parokya sa San Francisco De Asis sama sa PPC kon Parish Pastoral Council, Pangulo sa matag GKK ug gisunod ang parish staff ug mga kaubanan sa kombento. Gi-install usab ang kaubanang pari na si Rev. Fr. Delbert Hardenazo, OSJ. Subay niana bag-ong kura paroko nga si Rev. Fr. Mark Jann Perez, OSJ nangulo sa pagpadayag sa atong pagtoo ug human niana naghimo siya sa solemni nga panaad.

Panahon sa kapistahan aduna puy motorcade na gipahigayon sa sayong kabuntagon ug gilangkuban kini sa nagkalainlaing GKK nga sakop sa Parokya.

Dugang pa ni Abp. Valles sa iyang wali “Joyful serving, joyful believing, joyful loving, and embrace the creation like St. Francis. Nan, mapaubsanon ug pagkakabos pinaagi sa atong pagsalig sa presensya sa Diyos diha sa atong kinabuhi adlaw-adlaw.”

Mapasalamaton ang tanan sa kalampusan sa kapistahan ni San Francisco sa Tagakpan karon tuiga. Uban sa pag-ampo ug pagsalig diha sa Ginoo, nagalaum ang mga parokyano sa Tagakpan sa padayon sa pagbubo sa grasya, giniyahan sa patron nga si San Francisco de Asis. (Bay-Jay Fullo Teon | SFDA SoCCom)