OMPH Holds GKK Election 2019

Mapasalamaton ug malipayon sa ilang kasinatian ang mga Redemptorist Youth nga nagpasayon sa GKK selection/election sa 30 ka mga GKK nga sakop sa Our Mother of Perpetual Help Parish Bajada October 13, 2019 Dominggo. Sayo pa sa buntag anaa na sila sa ilang nagkalainlaing kapilya. Gisugdan ang kalihukan pinaagi sa pag-ampo sa wala pa ang pagboto sa alas otso (8:00) sa buntag hangtud sa alas tres (3:00) sa hapon. Lahi-lahi ang gidaghan sa mga botante sa kada GKK. Suwerte ang gamay lang kay sayo sila mahuman sa counting, challenging para sa mga daghang botante pero ang importante nga sakto ug kompleto ang ilang counting nga ila usab nga isubmit didto sa parokya.

Sa ilang report dapat masubmit nila ang mga tulo (3) ka highest number of votes nga makuha sa kada posisyon tungod kay aduna may posibilidad nga mobalibad ang highest sa mga rason nga iyang ipagawas sa panahon nga estoryahon na sila sa personal ni Fr. Jommel Baring, CssR, acting parish priest sa parokya.

Expected nga sa November aduna na gyuy klaro nga mga GKK Servant Leaders (GSL) ang matag kapilya para sa mga posisyon nga Pangulo sa Katilingban (PSK), Coordinator sa Liturhiya (PSL), Coordinator sa Alagad (PSA) Coordinator sa Panudlo (PSP), Pangulo sa Kristohanong Banay (PSKB), Finance Coordinator, Coordinator sa Social Communications (SocCom).

Salamat sa mga batan-on usab ang mga students sa Holy Cross of Davao College, ug mga adult volunteers nga mitabang usab aron nga makahuman gayud sila sa ilang tahas isip maoy mga facilitators.

Salamat sa mga sakop sa OMPH parish team formators ug parish workers nga maoy nihatag sa GKK orientation sa matag schedule sa Holy Mass sa matag GKK nga nagsugod pa niadtong Agosto. Congratulations sa tanan ilabina sa mga GKK members nga nagkugi gyud ug gawas sa ilang panimalay bisan pa sa sayo kaayo nga pagkawala sa kuryente ug tubig sa Buhangin area. Ang inyong pagpakabana nakahimong successful sa pagpili sa mga lideres nga mosilbi kaninyo sulod na pud sa lain pang upat (4) ka tuig. Congratulations GKKs of OMPH Parish Bajada. (Marieta Comighud | Parish SocCom Coordinator)