Solid Waste Management sa SMP gihingusgan

Gihingusgan ang kampanya mahitungod sa Ecological Solid Waste Management Program sa parokya sa San Miguel Panacan.

Mao kini ang usa sa nahisgutan sa milabay nga PCC Meeting.

Ug tuod man gipahigayon ang usa ka asembliya sa milabay nga September 8, 2019 didto sa Seminar Hall 2 nga gitambungan sa tulo ka ministriya PSK, PSL ug PSKB, ang asembliya gitunong sa schedule sa monthly ministerial meeting.

Lain na usab nga asembliya ang gipahigayon sa milabay nga Domingo, Septiembre 15, 2019 nga gitambungan sa hut-ong sa Formators, PSB, PSA ug PSP.

Sa umaabot nga Domingo, Septiembre 22, ang grupo sa SOCCOM, LCCP, Gift Bearers ug uban pa nga organisasyon ang moapil sa ipahigayon nga asembliya.

Magpadayon ang maong kalihukan matag Domingo sulod sa bulan sa Septiembre aron ang tanan ministriya mahatagan og kahibalo alang sa maong adbokasiya ang pagsalbar sa kinaiyahan.

Ang mga resource speakers mao sila Susan Toreno ang Vicariate Coordinator sa St. James Vicariate ug Eller Bantugan sa SMP-PSA PDART.

Gilauman pagkahuman mahatagan og orientasyon ang mga GSL ila kini dad-on ug ipaabot sa katilingban. (Liz Gilbuena | SMP Parish SoCCom)