Signature for a cause gilunsad

Ang Finance Council sa parokya sa San Miguel Panacan naglungsad og lain na usab nga fundraising alang sa re-roofing project.

Naningkamot ang maong grupo aron makatigom sa kantidad nga gikinahanglan aron masugdan na sa daling panahon.

Septiyembre 1 atol sa unang santos nga misa gilunsad ang laing fundraising pinaagi sa Signature for a cause. Ang kantidad magsugod sa 20, 50, 100 ug 500 pataas ang maong kantidad base sa mga kolor nga naka-assign niini.

Ang mga miembro sa Finance Council mao ang nangunay sa pagdawat sa mga donation.

Sumala pa kang Emma Borinaga, usa sa miembro sa Finance Council, kini buhaton sa sulod sa upat ka Domingo sa bulan sa Septiyembre kalakip na ang adlaw sa kapistahan Septiyembre 28.

Dugang pa ni Borinaga nanawagan ang mga miembro sa Finance Council sa mga parokyano, individual ug sa tanan sa pagsuporta sa maong fundraising aron masugdan na sa daling panahon ang re-roofing project. (Liz Gilbuena | SMP-Parish SoCCom)