San Pedro Cathedral GSLs nagpahigayon og coastal clean-up

Ang bulan sa Septyembre gideklarar ni Pope Francis ingon nga Buwan sa pag-atiman sa kabuhatan sumala sa gipasiugda sa iyang ensiklikal nga “Laudato Si” (Dalaygon ka, O Dios) mahitungod sa pag-atiman sa kinaiyahan.

Isip tubag sa tawag sa Balaang Amahan, ang GKK Servant Leaders (GSL) ni San Pedro Cathedral Parish, sa among gamay nga paagi sa pagpahayag sa among gugma sa lugar nga among gipuy-an, mipahigayon sa usa ka “Clean-up Drive” sa baybayon nga bahin sa barangay 76-A.

Nahitabo kini sa Agosto 26, 2019 gikan sa alas 6:00 sa buntag hangtod alas 9:00 sa buntag.

Mahinungdanon kini, nga kini usa ka paagi aron madasig ang tibuok nga komunidad sa pag-atiman sa atong kalikopan. (Rosalinda Jabonillo | SPC SoCCom)