Regency

Dear Sister,

Unsay imong ikasulti niadtong mga seminarians nga nag “regency na” ug midesisyon nga magminyo?

Maunsa man ang mga babaye nga ilang gipangasawa? Nakasala ba sila, kay ila man gihimong karibal ang Ginoo nga maoy nagpili sa mga seminarians?

Sister, tinuod ba gayud nga kon pari o madre ka na makatagbo pa gihapon nimo ang mga tawo nga makapapitik sa ilang kasingkasing? Usa ba kini ka pagsulay sa Ginoo?

From C.A.P.

* * * * * *

Dear C.A.P.,

Ang panahon sa ‘regency’ usa ka panahon diin ang mga seminarians mosusi sa kaugalingon kon sila ba gayud alang sa bokasyon sa pagkapari. Kon nianang panahon modesisyon sila nga magminyo, nagpasabot kini nga dili gayud sila alang sa pagkapari, una sa tanan.

Sa akong panghunahuna, ang mga babaye nga nahimo nilang mga asawa, wala makasala. Apan kon ang desisyon sa mga seminarians dili gayud tukma, ang makalolooy mao ang ilang nahimong asawa, kay usahay diha man kanila, ilabay ang hinungdan, dili ra ba gyud sila ang angayng hinungdan. Ilabina kon dili diay maayong bana ang ilang mabana.

Ang Dios, molabaw pa sa ideya sa kompetisyon. Gihiguma niya pag-ayo ang iyang katawhan, busa dili gayud Siya mamugos nga sundon ang Iyang kabubut-on.

Sa dili pa ang pagkapari o pagkamadre ang mga tawong naghalad sa kaugalingon sa kanunay makatagbo gayud sa laing mga tawong makadani kanila, busa mahimo silang mahigugma. Mao kini ang mga hagit sa ilang kinabuhi, ug dili kini pagsulay. Walay seminarista o madre nga makaingon nga sila nahimong mga matinud-anon kon wala sila moagi sa mga hagit. Ug nagmadaugon sila. Ang akong masulti nga ang mga pari ug mga madre sa ilang mapadayonon nga pagpaningkamot mao usab ang makatabang kanila nga magmadaugon, ug makalatas sa tanang problema. Mao usab kini ang kamatuoran sa mga minyo. Kitang tanan ang pagkapari o ang pagsunod sa mga “boto” (vows) sa mga madre dili makapahimo kanilang hingpit o “super-persons”. Mao man gani nga giawhag kitang tanan nga tabangan sila pinaagi sa atong mga pag-ampo, aron sila molahutay. Ayaw intawon sila ibutang sa pedestal kay ang ilang misyon, mamahimong malisod.

From Sister