Pagpaubos diha sa imong pakighigala

Ika-22 nga Domingo sa Ordinaryong Panahon
Sir 3:17-18, 20, 28-29 / Ps 68:4-5, 6-7, 10-11 / Heb 12:18-19, 22-24a / Lk 14:1, 7-14

Kasagaran sa mga dagkong mga kombira ang matag lamesa adunay mga panglan aron pagabot sa mga bisita kabalo sila asa sila mu lingkod. Ug sa matagkombira adunay lamesa nga gi ingon nga VIP kun Very Important Person para sa mga bisita nga improtante sa panagtigum, ug para kanato ang VIP mao ang pinaka labing maayo nga lamesa kung asa nag lingkod ka nga murag Hari ug Reyna. Tulo ka pamalandong ang atong palawuman sa atong Ebanghelyo karon ug mao ang Duha ka sambingay ni Hesus ang mahitungod sa panagtigum diha sa pagpangaon.

Ang sambingay nga gi sugilon ni Hesus sa atong Ebanghelyo karon nag hulagway sa pamatasan sa mapahiubsanon nga batasan, si Hesus miingon, “Kon dapiton gani kamo pagtambong sa usa ka kombira sa kasal, ayaw kamo paglingkod sa labing pinasidunggang dapit sa kananan.” Kitang tanan angay ug takos nga makalingkod sa VIP nga lamesa apan dili sa tanang panahon nga makalingkod kita sa maong lamesa.

Kung atong palawuman kining atong pamalandong atong mabantayan nga si Hesus ni gamit usab sa sambingay mahitungod sa pagpangaon dili sa kung asa mulingkod sa panahon sa kombira apan ang mas labaw’ng importante ang pagtambong sa panagtigum diha sa pangaon. Unsay naa sa pagpangaon nga angay natong mahinumduman. Kitang mga Pilipino ganahan kayo ta mangaon apan diha sa pagpangaon dili lang sa mga pagkaon kita malipay, diha sa lamesa mahitabo ang kumustahanay, tanang panghitabo sa atong kinabuhi mahisgutan diha sa pagpangaon.

Swerte ang tawo nga makakaon ug tulo sa isa ka adlaw ug maghulat nalang nga iamdam diha sa lamesa apan adunay mga tawo nga maningkamot pa intawon sa pag pangita ug makaon kini mao ang ikaduhang punto ni Hesus diha sa iyang sambingay nga kung gusto kita nga makighigala sa Dios kita usab kabalo muabiabi sa mga kabos.

Duha ka mensahi ang atong hinumduman dinha sa atong Ebanghelyo ang pagpahiubos ug ang kamang gihatagon gi hagit kita nga sa matag adlaw kita magpahiubos kay ang pamahiubsanon nga tawo kahimot-an sa Dios ug ang manggihatagon makadawat balusan sa Ginoo ug mas labaw pang grasya. (Mark Joy Guantero Basallajes, OFM)